SAKARIA 2:10 - PIPÏLIA

¹⁰ Lentöy ECHOTYON, “Tumö aingarak we chepö Sayon! Ongwïnan omöngöy kwenunkwa!”

SAKARIA 2:10 ပူးပေါင်းရင်းမြစ်များ

TUMWÖY 40:7

Kïlenyona olan, “Omitan kïpsach, kitapu Kirurutköku* kïgh nyo oghan.

TUMWÖY 68:18

Pusöy nyinte kutïng akumïtöy pich cho chang cho kikïnama lïkos akutöni penyï nyinte ropöw. Möngöy ECHOTYON wöloni.

WUWÖT 29:45

Otöponan kwenu pipö Israel alïkunan Tororötïngwa.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 37:22

anyï nyu ngölyon nyo mwochini ECHOTYON Senakerip, ‘Roröchininyi akïsösinyi pipö Sayon.* Pirpiro mötöweka lötungu pipö Yerusalem.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 48:20

Apeghena koro Papilon, kiketyakakwa! Amwatïtena lökoye ompö ngörekyö, akanya kenkïtunö wop anka tïkwïl lö, “Kösörï ECHOTYON mötworintenyi Yakopo!”

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 52:11

Angeta apegha yi! Angetena koro Papilon! Amaswany kïgh nyo kïkïröy. Apeghena kwenunyi atïlil kegh, akwa cho opöy kari Kö pö Tororöt.

ISAYA 54:1

Lentöy ECHOTYON, “Tumö korka nyo meyiy, tumö aitegh tya ompö ngörekyö korka nyo mekïgh! Isïkenyi ye nyu monïng cho chang kïsir korka nyo kensyote!

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

YEREMIA 30:19

Kïlïmöy pich cho möngöy orito kanasyantanoni cho tumöy tumwöyi kiyokyinogh pö sörö Akelïmöy tïkwïl kutïwa pich cho mi kïturonsot. Operuran chane kïtösisyö amelö ngörïngitu oghan chane kekonyït puryö chi nyo sösöy chane.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

YEREMIA 33:11

Wölo tökïsis kelïma woptinechoni tïkwïl roröt nko kutïwa pich cho ngöreksot nko kïlïliyöto pich cho mi ichon pö kensyö. Kïlïmöy tïkwïl cho tumotoy ato ipöy Kö pö Tororöt* ropöwo kiyokyinogh pö sörö. Tumöy ato petöy kïlentöy, ‘Oyokyinö sörö ECHOTYON Kimuktoghin, ompöwölo karam nyinte akï chomnyenyi kïpö kokay nko kokay.’ Operuran korenete kïsïch tïkwïn le cho kitïng tagh. Mwoghöy ECHOTYON.

ESEKEL 37:27

Lïku möngenyan wölo mi chane alïkwan Tororötïngwa kïlïkwï chane piköchan.

ESEKEL 48:35

Ki miten 9,000 koghïn pö nayat, kekur kayna kanasyan kïngeta atoni, “Mi ECHOTYON atoni.”

LAWIN 26:12

Owesteghonan kwenunkwa alïkwan Tororötïnkwa alïkukwa piköchan.

SEPANIA 3:17

Mi ECHOTYON, Tororötïngu nko nyi, nyakan nyinte nyo koninyi owesyö rïntena. Ngörökyininyi ompö ngörekyö nyo wow, akï koninyi söpon ompö chomnyenyi nyo mamïnïng, akï ngörökyinyi ompö tum

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

MALAKI 3:1

Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 14:23

Kuyokyï Yeso nyinte lö, “Chi anka tïkwïl nyo chömanïn kïrïpöy ngölyontenyan akïchömöy nyinte Paponyan akepkonecha wölo mi nyinte aketïpïyö nko nyinte.

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

NGONGUT 2:1

“Kirchinö malaykayan nyo pö kanisa Epeso lö, ‘Anyï ngölyon nyo ngwïno nyinte nyo nömöy kokelyechay le mut nko odeny, ompö ewunyi nyo pö tagh akïwestegho kwenu ketï pö koltin le mut nko odeny cho ghyongo tatïna.

NGONGUT 21:3

Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.