SAKARIA 14:9 - PIPÏLIA

⁹ Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 14:9 ပူးပေါင်းရင်းမြစ်များ

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

TUMWÖY 67:4

Nya kïngörekyö puntonï akïtum ompö ngörekyö, ompöwölo irwokyinenyi pipö ngwïny ompö man aintöghoghchï punton cho mi ngwïny.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

TUMWÖY 97:1

Pöytoghin ECHOTYON! Ngaraka, ngwïnya! Oturonchenö koroswo nanam!

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

AMOS 9:12

Atö kïmïl koro Edom nyo kingotï nko punton löwïr cho kile chichan. Mwoghöy ECHOTYON nyo ighöy ngalechï.

OPADIA 1:21

Longöy kutïng pö Sayon* nyökon cho kisörï Yerusalem atökïpayta kutïng pö Esau. Pöyitu nyu paytagh ECHOTYON.”

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

APAKUK 2:14

akï kwïle wölo lumöy pögh cho möngörï nanam kïlenyoni tïkwïl wölo sïchtoy pipö ngwïny kinkïtöto ororyo ECHOTYON.

SEPANIA 3:9

“Itïtoy ato otïlilan ngölyep pö piköchan kïngalan man, kuranïn akïsaghanïn akïpöghisyewanïn onkït ompö mïkulögh akonga.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

MALAKI 1:14

“Chïpote chi nyo yomisanïn lö oropkanïn makal nyo karam ompö kyakichi atolapay kïlïsanïn akïropkanïn nyo ngwolöy. Ochan pöytoghin nyo wow akuwöghanïn puntoni ngwïny kïmïkul.” Mwoghöy ECHOTYON.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

KINONO KIRURUT 6:4

“Atere ye nyu, pïchï pö Israel! ECHOTYON Tororötïncha kï ECHOTYON akonga.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

1 SAMWEL 2:10

Kïpöröy chona le pung pö ECHOTYON, tïlöy ECHOTYON ompö yïm kwotyegho chane. Rwokyini ECHOTYON ngwïny kïmïkul, töni pöytoghintenyi owesyö, akutöror owesyeto kïlanenyi.”