SAKARIA 13:7 - PIPÏLIA

⁷ Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 13:7 ပူးပေါင်းရင်းမြစ်များ

TUMWÖY 2:2

Tötöy kegh pöytoghi ngwïny akurur kegh kirwokotï atökïporyeghö ECHOTYON nko pöytoghin nyo kakïl nyinte.

ISAYA 1:25

Oghan kïgh nko nyi, otïlilinyi le wölay kidoy karïn, apuktan sïmnyontengu kïmïkul.

ISAYA 27:1

Pöghisyegho ECHOTYON asisoni chokenyi nyo aghïgh akïwow akwawes atökunyarila kong tyompö pögh nyo kïkuro Lepiyatan, moroy nyo ryönöy kegh akïpar moroy nyo lichegho nanam ori.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

YEREMIA 47:6

Koriryökwa, ateghyö olentöy, ‘Ayo we chokonï pö ECHOTYON, oyï ato isisenyi amepörisyenö nya? Ne melït malyantengu aisisï kegh!’

ESEKEL 21:28

“Yeo wero chi, ngorsyenö. Lenchinö pipö Amon lentöy Echotyon TORORÖT, “ ‘Mi chok kïpsach kïpörisyö, kakisït tökuryal le kiryol kapayasakwa ompö sïwïyaghtankwa pö putintön.

ESEKEL 21:3

lentöy ECHOTYON, ochan punyon ompö akwa. Ongwïsunan chokenyan aparekwa lömïs cho karamach nko cho ghach.

ESEKEL 37:24

“Lïku nyu mötworintenyan Daudi pöytoghintengwa löwïr, kinyorï nyu chane löwïr mösöwon akonga. Rïpöy kirurutköchan akïrïp ngalechan lasiny.

ESEKEL 7:6

Akikwitï nyu söröm, kikwitïta söröm akyowonyekwa!

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

SAKARIA 11:11

akïngat asisoni lenyoni. Kirosanïn mïnchïris pö kechir, akïpköchï lö kingölonchini chane ECHOTYON ompö tïkuchini kyoghan.

SAKARIA 11:4

Kïlenchanïn ECHOTYON Tororötïnyan, “Omökan lïkunanyi mösöwonto kechir cho kïpetöy keyengöy.

SAKARIA 11:7

Kïlenyona achaman alïkwï mösöwonto kechir cho pö yengsyö ompöwölo kikiranïn kyomïnchan kaynötut. Kyokuran akonga “Pöropchö,” okuran nyinö anka, “Ghömïchö,” ayakwïyan kechiryechay.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

MATAYO 10:42

Akwanka tïkwïl nyo töni kikompo pögh cho köghïte akonga ompö rïpankachan chete mïnkech, ompöwölo rïpanïn nyinte, kïnyoru ropöwontenyi nyo mötïny.”

MATAYO 11:27

“Kikïkonanïn Paponyu tïkwïn löwïr. Möminye chi nyo nkït Weri kïpoto Kwanta akï möminye chi nyo nkït Paponyan kïpoto Weri nko anka tïkwïl nyo mököy Weri kïngonchini nyinte.

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

MATAYO 18:14

Kïlenyoni tïkwïl, mömökönye Paponkwa nyo mi yïm lö tepot nyo le ompö akonga ompö monechï mïnkech.

MATAYO 26:31

Atolapay kïlenchï Yeso kinetankachi, “Otoyonekwa oghonete löwïr opïstonanïn, ompöwölo kirate ompö Kikirut lö, ‘Pöröy Tororöt mösöwonte, tökïtoyö kechir.’

MATAYO 26:56

Wölo keghisyö ngalechï le nyete ntökwitïta ngala werkoy cho kikikir ompö Kikirut lö.” Kïpïstö nyu kinetankachi löwïr nyinte akupertoy.

MARKO 14:27

Kïlenchï Yeso chane, “Otoyonekwa löwïr apïstanïn, ompöwölo Kikikir lö, ‘Opöran mösöwonte kïtoyö.’

MARKO 14:50

Atolapay kïtoyotö kinetankachi kïpïstö Yeso.

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

LUKA 17:2

Mïchini chi nyo lenyoni kerötyï kat koghpa pagh nyo wow akewirchï nanam kwen, kïtïl kwigh akonga ompö cho mïnkech kwigh ngokï.

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 10:30

Ochan akonga nko Paponyu.”

YOANA 10:38

Kwato choni cho oghan akï kïrkegh kömaghananïkwanye, aghan ighisyewutköchan atonkïtunö lö mi Paponyan orinyan, amitan orito Paponyu.”

YOANA 14:1

Kïlenchï Yeso chane, “Makany kusus kegh mïkuliskökwo, aghanakwa Tororöt, aghananïn tïkwïl.

YOANA 14:23

Kuyokyï Yeso nyinte lö, “Chi anka tïkwïl nyo chömanïn kïrïpöy ngölyontenyan akïchömöy nyinte Paponyan akepkonecha wölo mi nyinte aketïpïyö nko nyinte.

YOANA 16:15

Chichan tïkwïn tïkwïl cho tïng Paponyan, nka nyay kolan mwowokwa Mïkulöwunoni Tïlil, ngalechoni nyorunenanïn nyinte.

YOANA 16:32

Itu asis akikwitï ye yeteyi, ato otoyokwa löwïr atökïwö chi tïkwïl katanyi, atökepïstanïn onkït. Wölo momitanye onkït, ompöwölo mi Paponyan nko ani.

YOANA 5:23

atökutö pich tïkwïl konyït Weri le wölini töni chane konyït Kwanta. Anka tïkwïl nyo mökonyïtönye Werïnyi, kïmökonyïtönye Kwanta nyo kiyonï nyinte.

YOANA 8:58

Kuyokyï Yeso chane lö, “Omwowokwa nyoman lö, kïtomö keyï Apraam, ‘Omitan.’ ”

IGHISYEWUT 2:23

Kinya Tororöt nyinte tagh kitat ompö machatenyi nko ompö kinkïtötenyi lö, kyonkoghchinokwa Yeso, atolapay otïghökwa otini kyochömchikwa mwokïyis owudochï nyinte kimurtöwon.

RUMI 4:25

Kikonï Tororöt Kristo* kungwïn kïma ompö ngokicha akututï nyinte atökeyitwecha man.

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

PILIPI 2:6

Nyo, kïrkegh ki körökegh nko Tororöt, wölo melö kinan nyinte lö, kekarkegh nko Tororöt kï kïgh nyo kïchengo charut.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.