SAKARIA 13:3 - PIPÏLIA

³ Kïkany kunomchï chi kegh lö ochï werkoyon, kïmïchini kïmwochï kwanta nko kame, chini kiyï nyinte lö, ‘Mïchini ketïghinyi ompöwölo kemwaghanyi putintön ompö kayna ECHOTYON.’ Atolapay kïpara chok chichay yiyichi atotösöy tagh kïngoröy ngal.

SAKARIA 13:3 ပူးပေါင်းရင်းမြစ်များ

YEREMIA 23:25

Kyalïman putintön nyo mwoghöy werkoy ompö kaynenyan. Lenchini piköchan, ‘Köngölonwanïn Tororöt ompö kirwotïtogh!’

YEREMIA 23:34

Omungan chi anka tïkwïl nko katanyi, kö werkoyon anta tïsin nyo pöghisyegho ngölyontononi lentöy, ‘Nïkisïn pö ECHOTYON.’

YEREMIA 28:15

Atolapay owan omwochï Anania lenyoni, atasan olenchï, “Tera we Anania! Melö köyonunyi ECHOTYON, akwanyï ye keghanyi pïchï kughan putintön.

ESEKEL 13:23

Kïlenyona melö tosïwïyekwa sïwïyaghtinekwa chay pö putintön anta angor ngal le su. Osörunan nyu piköchan ompö morikwa, atonkïtunökwa nyu lö ochan ECHOTYON.”

ESEKEL 14:9

“Ato kïlïs werkoy kïngalan ngölyon, kï ani ECHOTYON nyo kalïs nyinte anoteghonan nyinte kïweghö kwenu pipö Israel.

ESEKEL 43:7

Kïlenchanïn, “Wero chi, ngacharunyan nyï nyo pö paytagh aki wölo työköy kelyechan. Lïku wölo omöngan nko piköchan pö Israel kokay. Amelö tökusïmnyonöy pipö Israel kaynenyan anta pöytoghikwa ompö chepkartananengwa nko ompö mïntïruchko pöytoghikwa.

MATAYO 10:37

“Chi anka tïkwïl nyo chömöy kwanta anta kame kïtïlanïn, kïmerokonanïnye akwanka tïkwïl nyo chömöy werïnyi anta cheptanyi kïtïlanïn, kïmerokonanïnye.

LUKA 14:26

“Ato ngwïn chi wölo omitan, amachamanïnye kitïl wölo chömtoy kwanta nko kame nko korkenyi nko monechi nko werkökwa nko tipikwa nko ompö nyinte kegh kïmölïkunye akonga ompö kinetankachan.

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

KINONO KIRURUT 18:20

Wölo ato töp werkoyon anka tïkwïl ntökïlö ongölonöy ompö kaynenyan amelö komwochan nyinte kïngalan anta ngalana kaynata tororötine walaka, kïmeghöy werkoyontononi.’

KINONO KIRURUT 33:9

Melö ki konyït yiyikwa amelö kiyang werkökwa, kisas monekwa, ompöwölo kirïp chane kirurutköku, akïlïkwï cho ghönote ompö mumengu.