1 Yata kukotiku we Lepanon, atökïpel ma tarakitköku lömïs!
Akwa cho omonto kegh kori tarakit cho kikipunö Lepanon! Itwokwa nyarïl olokyenö kumes onyorunekwa ngwonïn nyo lata nyo pö korka nyo lusïyi.
Okörkeyïnteninyi törokwo Lepanon, nyo tïng morïn cho pïchighöch nko rurwö nyo pïchigh, akï kogh nyoman.
Ketörönyi wudïno Lepanon, törinyi ye nyu pich kiparanyi tyonkïn, otyegheninyi ye nyu chane, akwompö kisön pö pich nko rïmö nyo kikighchï koronete nko kanastine nko pich cho möngöy oringwa.
Kasarekwa puntoni koros cho chang tïkukwa, wölo sörenokwa ye nyu tïkukwo pïchoni tökïsöpchot. Igho kïyoni ompöwölo kyamïltekwa kisön cho chang, apöghisyeghekwa pkatnan ompö pipö punton nko kanastinekwa.
Ape apusa komos, atörï ket, atek Konyan atongörökyan aketöroranïn.
Oyokunan chane kaw kïpkana koro Misri, oghömïtunenan koro Asirya. Atolapay kïpka kïmang koro Kiliad nko Lepanon ntökïnyïghï lakas.
Akwa saypras, olokyenö asönön! Ompöwölo kikerul keti tarakit! Kikenyar ketichay pö tösunöt nyo wow! Akwa keti apeta cho omi koro Pasyan, oriryenö! Ompöwölo kiketör ket kuwonyö ompö wuw nyo kidïrö.
“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.
Nöghöy nörekyenyan le lyopöt, akïnaghata ntökwit ngwen, pelöy kïgh anka tïkwïl nyo mi ngwïny, akïpel pchörino kutïngkot.
