SAKARIA 10:7 - PIPÏLIA

⁷ Lïku pipö Epraim nyökon pö lïk Turonchot le pich cho kagha dipay* sïwïyi monekwa choni löwïr akïngörekyö, Ngörökyini ECHOTYON ompö tïkwïn löwïr cho kighchï chane.

SAKARIA 10:7 ပူးပေါင်းရင်းမြစ်များ

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

TOWUNÖT 43:34

Ketö pïchoni omisyö nyo kimi mesa Yosep, wölo ketö Penchamen kïnyïl mut cho pö werkökwa walaka. Kïlenyona kïgheghsyö akïngörekyö nko Yosep.

TUMWÖY 102:28

Tïpisot monïngo mötworiku ompö kalya akïtïpisot pikökwa, wölo tïghume kïnomnyö ompö tawungu.

TUMWÖY 104:15

nko dipay* cho töni nyinte ngörekyö nko mwagh nyo yilo kegh nko omisyö nyo sïko owesyö.

TUMWÖY 13:5

Otwoytonan kegh chomnyengu nyo pö kokay. Oturönan, ompöwölo isörwaninyi.

TUMWÖY 28:7

Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

TUMWÖY 33:21

Kïmitecha keturonchot ompö nyinte, kitwoytocha kegh kaynenyi nyo tïlil.

TUMWÖY 90:16

Iporwecha mötworiku ighisyewutköku akïsïwa monecha owesyengu nyo pö ororyö.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 38:19

Pich cho söpsot cho sölinyi kïle otini osölinyi ye. Mwochini papotïnö monekwa wölini ichinyi ghanate kïlïkwï.

ISAYA 54:13

“Ante kegh nyo onetöy piköku, atö chane mökosyö nko kalya.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

YEREMIA 32:39

Oghan chane kïsïch keröt akonga ompö möngengwa: Kïkonyïtanïn. Pöyitu nyu kerötononi kinyiwut nyo wow ompö chane nko monekwa.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

YOEL 2:23

“Ay, oturönökwa werpö Sayon, oserönö ompö ECHOTYON Tororötïngwo, nyo kakonokwa pögho kitokot ompö chamatenyi, kakonokwa ilat nyo wow, ila sarngatat nko nyo pö pengat, le wölo kilenye tagh.

SEPANIA 3:14

Nyi we Sayon,* tumö! Tumö ompö ngörekyö kelïm! Nyi we Yerusalem, ngaraka aiturön ompö mïkulöwungu kïmïkul!

SAKARIA 12:8

Oripan ante ECHOTYON asisoni pich cho möngöy kanasyanta Yerusalem. Lïmchini kegh chi nyo nyarkalal ompö kwenungwa lö otïng owesyö nyo kitïng pöytoghinto Daudi. Ntöghoghchini pipö ara pöytoghin Daudi pipö Yuda le malaykayanta ECHOTYON, anta le Tororöt.

SAKARIA 9:15

Ripöy ECHOTYON Kimuktoghin pikachi, akumï pikachi kunyar pungkakwa. Teghyot kïpöröy pungkakwa le ptamasis mïltoy kisönkökwa kuyinta le cho pö kyaki amöros, cho kïmïluno otupö akemïlchï wölo kïpelo amöros.

SAKARIA 9:17

Pïchighöchitu akïkaramachitu chane nyoman! Nörsot chumwak ompöwölo chang pagh nko dipay.*

LUKA 1:47

Ngörökyini söpontönyan Tororöt, Ghetintenyan,

YOANA 16:22

Lïku nyoni ompö akwa tïkwïl: omitekwa nko nörekyö otï le ye, wölo osïwïyanïkwa ngat, atökïnyïghï ngörekyö mïkulöwekwa, ngörekyö nyo memuchönye chi ntökïchengenakwa.

IGHISYEWUT 13:33

kikwighwecha nyete, acha, cho kichï monekwa, otini kinget Yeso. Kïle wölo kikikirta ompö tumwöyi Salat nyo pö odeny lö, ‘Ichinyi werïnyan, koyiyinyi asete!’

IGHISYEWUT 2:26

Kïlenyona, kiturönote mïkulöwunyan kyochan ngarakate otini ongölonan, ay nka nyoni töpo portönyan kukönisïyi.

IGHISYEWUT 2:39

Ompöwölo nyinkwa kiyomisötononi nko monekwo nko löwïr cho mi wölo low nko tïkwïl cho kuröy Echotyon Tororötïnyo kipkonchï nyinte.

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

1 SAMWEL 2:1

Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.