SAKARIA 10:6 - PIPÏLIA

⁶ “Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

SAKARIA 10:6 ပူးပေါင်းရင်းမြစ်များ

TUMWÖY 89:21

Töpo owesyenyan nko nyinte osis löwïr, chïchimöy ewunyan nyinte.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 54:4

Mewöghisyö ompöwölo menyorunenyinye arasï ngat, amelö telolïyonenyi. Iwutyeghonyi arasï nyo pö nörekyengu nko tanganytangu nyo kisïch otini kilïkunyi mïsïk.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

YEREMIA 3:18

Ryomöy nyu osiswechoni pipö Yuda nko pipö Israel cho pkono koros cho mi okumpö löt akïmïlisyö kor nyo kyotönön köny papotïnekwa.

YEREMIA 30:18

Lentöy ECHOTYON, “Oyokunan piköchan kïpka korengwa. Osyonchinan möngot anka tïkwïl nyo le nyingwa, kïteköy ngat kanasyanta Yerusalem, ketekyini pöryontenyi nyo kikunyara. Kïteköy tïkwïl kö pö pöytoghin otini kimi tagh.

YEREMIA 30:20

Oyokyinan piköchan owesyö le nyo kipö tagh Ochïchiman chane kughyongsyö ompö tawunyan omungan anka tïkwïl nyo chopokwa kong.

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

YEREMIA 31:20

Melö so werïnyan Israel nyo le chaman? Montönyan nyinte nyini ochömonan kegh. Nka nyay mowutyeghenanye nyinte kïrkegh akutan. Soröy mïkulöwunyan wölo mi nyinte ompö köromnyö Osyonchinan nyinte nyo mötïny. Mwoghöy ECHOTYON.

YEREMIA 31:31

Lentöy ECHOTYON, “Pkonöy osiswö cho oman muma* nyo rel nko pipö Israel nko Yuda,

ESEKEL 36:11

Atösan pich nko kyak kïnyïghï koronï, tösisyot akïyiyö. Oghan koronï kemang le köny, awunyi nyo karam kïtïl atay le tagh, tenkïtunö lö, ochan ECHOTYON.

ESEKEL 36:37

Lentöy Echotyon TORORÖT, “Oköngan kïtepanïn pipö Israel aghan chane kïtösisyö mïrönkökwa le okwot pö kechir.

ESEKEL 37:16

kïlenchanïn, “Wero chi chenga ket aikir parak lö, ‘Pö Yuda nko pipö Israel cho kanam kegh tïkwïl,’ aikir anka lö, ‘Pö Yosep (ket pö Epraim) nko Israel kïmïkul cho kanam kegh tïkwïl.’

ESEKEL 39:25

“Kïlenyona omwoghan ante Echotyon TORORÖT lö, omïtunan nyu pipö Yakopo kïpkana pïnotön asyonchan pipö Israel löwïr, alïkunan söstoghin ompö kaynenyan nyo tïlil.

OSEA 1:11

Kituyot nyu atoni pipö Yuda nko cho pö Israel, atolapay kegh chane kïkïlchï kintöghoghintengwa nyo le akonga, yetu chane akwowesöchitu ompö korengwa, ompöwölo lïku asispa Yesrel asis nyo wow!

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

OPADIA 1:18

Ngwonöchitu pipö ara Yakopo nko cho pö Yosep le ma! Wongöy pipö ara Esau le wölo pelöy ma mopö. Möngötunye chi pö ara Esau ompö akong Ighisot ngalechï lenyoni kamwaghan.

MIKA 4:13

Lentöy ECHOTYON, “Akwa pipö Sayon ongetyenö omungö punkökwo. Oghokwa le kir cho tïng kuyo karïn akï taghoy putïlöy. Itïghenyi pipö koros cho möngörï. Opunekwa pöröw löwïr cho kipörunö chane pikö walak. Atolapay opukwa sïkönötengwa, wölo omitan, nyo ochï Echotyonto ngwïny kïmïkul.”

MIKA 4:6

Lentöy ECHOTYON, Oghömïtan asisoni chona ngwolsot aghamïtï pïnotön nko chona kyomungön.

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

MIKA 7:16

Sïwïyi pipö punton töngönchin akuwöghisyö kïrkegh kö owesöch, mïghyot akïnam kïgh kutïw akïmingö.

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 10:12

Oghan piköchan kïsïch owesyö, konyïtanïn nyu chane akïsal kaynenyan.” Mwoghöy ECHOTYON.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

SAKARIA 8:11

Wölo omwoghan ante ECHOTYON Kimuktoghin lö melö toghchinan ngat pipö koronï cho kingötï le wölo kyoghchan tagh.

SAKARIA 9:16

Söru chane asisoni ECHOTYON Tororötïngwa ompöwölo chane kï kechiryechi. Kwörkwersot chane ompö korenyi, Lata koghïn cho pö olyot nyo wow ompö tenta nyo kilokyini möt.