SAKARIA 10:12 - PIPÏLIA

¹² Oghan piköchan kïsïch owesyö, konyïtanïn nyu chane akïsal kaynenyan.” Mwoghöy ECHOTYON.

SAKARIA 10:12 ပူးပေါင်းရင်းမြစ်များ

TOWUNÖT 24:40

Kïlenchanïn, ‘Yokunyi ECHOTYON nyo okonyïtan malaykayantenyi atape tïkwïl tökuperur pantangu: atewenyi ipchinö werïnyan korka nyo pö tïlyayichan, nyo ngwïno koto paponyan.

TOWUNÖT 5:24

Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 45:24

“Mwoghöy chane ompö parakunyan lö, ‘Kïnyorchini man nko owesyö wölo mi ECHOTYON onkït,’ wölo wongu ompö arasï pich cho töghöy nyinte.

ESEKEL 30:24

Ochïchiman pöytoghinto Papilon atönön nyinte chokenyan. Wölo oriyan ewuno Parao kïnyarïl tökïma ompö tawu punyontenyi.

MIKA 4:5

Soghöy puntonï löwïr akïterchï tororötinekwa, wölo kïsoghecha ECHOTYON Tororötïncha kokay nko kokay.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

SAKARIA 12:5

Mwoghöy nyu atoni pipö ortïna Yuda lö, ‘Könyorï owesyö pipö Yerusalem nyo ketö ECHOTYON Kimuktoghin, Tororötïngwa.’

EPESO 6:10

Ngölyonteto löt, omökwokwa lö ghyongtenö ompö Echotyon nko owesyeto kimukatenyi nyo wow.

PILIPI 4:13

Omukan oghöy tïkwïn löwïr ompö Kristo nyo konanïn owesyö.

KOLOSAY 2:6

Ato kyatakakwa Kristo Yeso kïlïkwï Echotyon, otïpinö nyu ompö linyogh nko nyinte.

KOLOSAY 3:17

Akï kïgh anka tïkwïl nyo oghekwa anta nyo omwoghekwa kïmïchini agha ompö kaynata Echotyon Yeso, ayokyï sörö Tororöt Papo ompö nyinte.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

2 TIMOTEO 2:1

Kïlenyona nyu werïnyu, inyakanitï ompö pöropchö nyo kïsïkecha otini kökïlinyecha nko Kristo Yeso.