SAKARIA 10:1 - PIPÏLIA

¹ Atepa ECHOTYON rop osiswo pengat, ECHOTYON nyo yoku poltoy cho ipu rop. Konu nyinte pkopïson cho ighöy tïkwïn kïpit ompö tösunöto chi anka tïkwïl.

SAKARIA 10:1 ပူးပေါင်းရင်းမြစ်များ

1 PÖYTOGHÏ 17:1

Kimi werkoyonta nyo kikuro Eliya nyo kingwïno chi pö Tispe ompö Kiliad. Kungwïn akïmwochï pöytoghin Aap lö, “Omwowunyi ompö kaynata ECHOTYON Tororöt pö Israel nyo opöghisyechinan lö melö tökïmi röyöntö anta rop ompö könyis cho pkonöy ntökïtenö omwowan lö ropönöy.”

AYUPU 29:23

Kikanganïn le ato köngöy rop, le ngori paren cho köngöy ropö arupe.

TUMWÖY 104:13

Iropönchinenyi kutïngkot pögh cho pkono mïröt, atökïnyorï ngwïnya perur.

TUMWÖY 135:7

Ipunö poltoy söremwok pö ngwïny akwigh rop nko kiryal akïkutuna yomat töpotenyi.

TUMWÖY 65:9

Ikomönenyi ngwïnyinï otini iropönchinenyi aigh kïsïkönon aikany kwakwaghit. Mötengotya lalwatïneku keperurönyi kor kïnyorï pagh, ompöwölo kighanyi lenyoni.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

NGÖTÏNYÖ 16:15

Mi söpon löpoyïn pö tokochu pöytoghin, akïlenye kisyonötenyi polta ila sarngatat.

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

YEREMIA 10:13

Nyini kangalan, kughum pögh cho mi yïm akusupunö kegh poltoy söremwok pö ngwïny. Ighöy kiryal kulïwï lö chwat ato ropönöy akïyotï yomat kungwïna töpotinechi.

YEREMIA 14:22

Ayo, muköy tororötino putintön chay soghöy pipö punton kïkonï rop nya? Akumuköy yïmö onkït kïkonï pkopïson? Mönyinye onkït nya we ECHOTYON Tororötïncha nyo ighöy choni löwïr kumukisyö? Kïlenyona kiketönöcha kikönötencha moriku.

YEREMIA 5:24

Mömwoghöcha ompö mïkuliskökwa lö, ‘Kewagha ECHOTYON Tororötïnyo, nyo konech rop ompö osiswechi, ropa sarngatat nko nyo pö kitokot, akï konecha tïkwïl osiswo ilö.’

YEREMIA 51:16

Nyini kangalan kughumnyö pögh cho mi parak, akwigh poltoy kusupunö kegh söremwok pö ngwïny. Ighöy kiryal kulïwï lö chwat ato ropönöy akïyotï yomat kungwïna töpotinechi.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

ESEKEL 36:37

Lentöy Echotyon TORORÖT, “Oköngan kïtepanïn pipö Israel aghan chane kïtösisyö mïrönkökwa le okwot pö kechir.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

AMOS 4:7

Kyaratan ilat ompö akwa kïtomö aro sömök tökekosisyö otöninan rop kanasyan akonga omulön rop kanasyante anka ropönchini paren walaka, wölo melö ropönchini paren walaka.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

YOANA 16:23

Otini ketï asisoni, kïmöminye nyu kïgh nyo otepanïkwa. Amwowokwa nyoman lö, konokwa Paponyan tïkwïn löwïr cho osomekwa nyinte ompö kaynenyan.

1 KORINTO 3:6

Kyokötkötisyan, kupïs Apolo, wölo Tororöt nyo kigh kösïgh kïpityö.

KINONO KIRURUT 28:23

Möminye rop nyo tökïropönöy, yomöy korononi, le ghat.

YAKOPO 5:7

Omïkukönö nyu, tupchenichu ntökïtenö kwitï Echotyon. Arose ya wölo mïkuköntoy ngorin, otini mi kïköngöy paghechi cho kingor ntökuyinï pagh cho pö olyot nyo wow. Kïköngisïyi nyinte lenyoni ompö mïkukönöt ntökïtenö kïropan ila sarngatat nko nyo pö kitokot.