SAKARIA 1:3 - PIPÏLIA

³ Kïlenyona mwochinö chane lö lentöy ECHOTYON Kimuktoghin oyokyanïn kegh, atoyokyok kegh.

SAKARIA 1:3 ပူးပေါင်းရင်းမြစ်များ

2 OTÖPTINO OSIS 15:2

Kïwö kuryan nko Asa akïlenchï nyinte, “Terwante Asa, aiter Yuda nko Penchamen kïmïkul: mi Tororöt nko akwa ato tomitenökwa nko nyinte ato ayarakwa nyinte onyorunekwa, wölo ato opïstekwa nyinte kïpïstenokwa.

2 OTÖPTINO OSIS 15:4

Wölo otini ompö nyarïl, kimïlisyö wölo mi ECHOTYON Tororöt pö Israel akïyar nyinte ntökïnyorï.

NEEMIA 9:28

Wölo otini kinyorï kalya, kwigh ngokï ngat, ipïstenyi kïrïnta pungkökwa chane akïpayta, wölo nyini keyokwï kegh akïrirchinyi, iterchinyi chane ompö yïm aisörunyi chane kïnyïl cho chang ompö kisyonötengu nyo wow.

AYUPU 22:23

Ato iyokyinyi kegh Kimuktoghin aimïnïngitanyi kegh ato inateghenyi ngokï kïlowitunö kongu

ISAYA 31:6

Akïlö ECHOTYON, “Omïlonchenö wölï omitan, pïchï pö Israel. Kaghwanïkwa ngokï, ataghanïn!

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

YEREMIA 12:15

Wölo otini kakalangan chane kumuchö, ongwïnan osyonchini chane ngat, ayokyinan kïmïlisyö korengwa.

YEREMIA 25:5

Kipkonöy werkoychoni kïmwowokwa lö, ‘Pïstenö chi anka tïkwïl orengu nyo gha nko ighisyewut cho ghach. Ato aghakwa lenyoni, omöngekwa koronï kikonokwa ECHOTYON nko papotïnekwa kingeta kösnyisyok.

YEREMIA 3:1

“Ato tyak chi korkenyi, akïwö kokanay kwip chitö anka, etökuyokyini kegh chichay kokononi nya? Ntötöp kwigh lenyoni, mesïmnyononye korö kwararitï? Kïkany nyi ye Israel, keghanyi cheporesnan nko chamanköku cho chang. Ekechamanyi ye mïleghchanïn ngatï? Mwoghöy ECHOTYON.

YEREMIA 3:22

“Omïlisyenö we pïchï mochï ghönote Osopekwa ngat alïkuna pich cho ghönote.” Atoni nyu ato omwoghekwa lö, “Arose, kökïmïlonchecha wölo imitenyi, ompöwölo ichinyi ECHOTYON Tororötïncha.

YEREMIA 35:15

Kyoyokwokwa mötworichan werkoy kïnyïl cho chang cho kipka kïmwowokwa lö opïstenö ortïnekwo cho ghach atolapay owöghökisyö agh man. Kimwowokwa lö orip kegh masagh amopöghisyechï tororötin walaka. Nyo ntökyarïpakwa ngalechoni kitomöngekwa kokay koronete kokonokwa atö tïkwïl papotïnekwa. Wölo nyu melö kyateranïkwa amelö kyayangakwa kïgh nyo kyamwaghan.

YEREMIA 4:1

“Ato kemïlo, we Israel, imïla wölo omitan. Mwoghöy ECHOTYON. “Ato inateghenyi körkeyïntin ompö tawunyan ametomtomönönyinye,

ESEKEL 18:19

“Wölo olentekwa, ‘Ompö ne tömöma weri ompö ngokiko kwanta?’ Melö nyu meghöy weri ato igh kïgh nyo pö man nko nyo karam, akïrïp nyoman kiyomisutköchan löwïr.

ESEKEL 18:31

“Opïstenö ngokï löwïr cho kaghakwa ompö tawunyan acheng mïkulögh nyo rel. Pö ne omeghenö nya we pipö Israel?

ESEKEL 18:32

Akwanyï melö ongörokyinan megha chi anka tïkwïl, kïlenyona owöghökisyenö tosöpchenö.” Mwoghöy ECHOTYON.

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

OSEA 14:1

Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.

OSEA 14:4

Lentöy ECHOTYON osopinyi ompö penyatengu ochömokwa kwïle, ompöwölo kikuyoda kegh nörekyenyan ompö akwa.

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

MALAKI 3:7

Kïngeta osiswo papotïnekwa melö kitö arïpakwa kirurutköchan. Kïlenyona oyokunö kegh wölo omitan atö oyokwan kegh wölo omikwa. Wölo otepekwa lö, ‘Kiyokucha kegh wölo iminyi lö ne?’