2 “Kyonörekyan papotïnekwa nyoman.
ikötenyi aipönyi kegh ngwïny ompö tawunyan aikarer sïroköku kuporï nyarïltanyi otini kilïmanyi lö karich anyaran Yerusalem nko pikachi ntökïlïkwï kïratyan nyo tuw akï chïpö. Wölo kalïman ye nyu saghatengu,
Wölo melö kiwonyö nörekyo ECHOTYON nyo kitïng ompö pipö Yuda ompö tïkwïn cho ghach cho kigh Manase atökïnarek nyinte.
Kïpkonchecha ye nyu choni ompö otöptinecha cho ghach nko ngokicha, wölo nyi Tororöt melö kimungechanyi le otini kimïchini, wölo kepïstechanyi kesöpchenö.
Ketaghechanyi, we Tororöt, aitoyecha, kenarekanyi ompö acha, wölo mïlena wölï kïmitecha.
Kipka chane kïmang lenyoni akïcheng kïlïkwï nyingwa. Wölo nyu melö kiter ngaleku amelö kirïp kirurutköku. Melö ompö kigh lenyini kimwochinyi chane. Nka nyu nyoni kipïsinyi kïnyorï nyarïl nyo tenö nyï.
Kïlenyona kïyetï akula lakat nörekyenyan ntömökutuknye kanastina Yuda nko Yerusalem. Nka nyoni ye kinyar kïlïkwï kïratis cho otyegho pich nko nyete le ye ato sïwa.
Kigh ngokï papotïnecha amelö tökïmi ye nko acha, wölo kïmicha ye kewongu ompö ngokikwa.
Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.
Kïlenyona oghchinan chane ompö nörekyö amotukanye anta osyonchï chi kïrkegh kirirchanïn lö ne moterchinanye chane nyonikïny.”
Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.
Kigh chane mïkuliskökwa kwowïwitu le koghïn ntömalïm kirurut pö ECHOTYON Kimuktoghin cho kyomwochan kuwerï werkoy cho pö tagh. Kïlenyona onörekyan chane nyoman,
Lentöy ECHOTYON Kimuktoghin, “Kïle otini kimamlanye löt otö papotïnekwa sitöt nyo puryö kisyonchin ato kyonörekyan chane,
Ngo werkoyontö nyo kimechopnye kukötïnekwa kong nya? Akipar chane cho kinya kïmwowï tagh lö, ngwïnöy Mötworintenyi nyo pö man, akwanyï ye kalïkukwa wïchtoghichi aparakwa nyinte.
