RUS 2:12 - PIPÏLIA

¹² Nya kuyokun ECHOTYON choni lapay kighanyi, akïkonïn ECHOTYON Tororöt pö Israel ropöwon nyo wow nyo kengwïnanyi irïpchï nyinte tökïyetïn.”

RUS 2:12 ပူးပေါင်းရင်းမြစ်များ

TUMWÖY 17:8

Ikamanante le kong, iwïngenante köpepoköku

TUMWÖY 19:11

Töni mötworintengu chïreryö. Nyinte nyo rïpöy kïnyoru ropöwon.

TUMWÖY 36:7

Pö olyot nyo wow chomnyengu nyo pö kokay, we Tororöt! Ghïpchegho ptangengmötin köpepoköku.

TUMWÖY 57:1

Isyonchante, we Tororöt, isyonchante, ompöwölo ghïpeninyi söpontönyan. Oghïpenan köpepoköku wölo tïghume, ntökïtenö kuwer chepkïrïri pö kinyarat.

TUMWÖY 58:11

Lentöy nyu pich, “Nyoman nyoru pipö man ropöwon! Nyoman mi Tororöt nyo rwokyini ngwïny.” Ompö kintöghoghinto tumï. Kïrïp kegh nko tum pö “Menyar.” Tum pö Daudi, otini kiyoktö Saulö pich kusyep ompö katanyi atökïpar.

TUMWÖY 61:4

Pïswante amang kongu kokay! Nya onyorchan wölo tïghume köpepoköku.

TUMWÖY 63:7

ompöwölo ingörokaninyi kïtenö osis. Oturönan ompö ngwïnyi köpepoköku.

TUMWÖY 91:4

Yenoninyi köpepokachi, itöponyi ato tïghume ompö ripötenyi. Otöptanyi nyo ghanate kï longa.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

NGÖTÏNYÖ 23:18

Mito kikönötö nyo pö osis cho pkonöy nyo mötïny, amelö kingötïyöy kikönötengu. Ngöghomnyö nyo pö taman nko mut

YEREMIA 31:16

Sisa amerire ngat, misa lokeku ompöwölo mepotönye ighisyengu, inyorunenyi ropöwon. Mwoghöy ECHOTYON. Mïlisyegho monekwa koro pung.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

MATAYO 6:1

“Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

KOLOSAY 2:18

Makany kurwokwok chi anka tïkwïl nyo ipöy kegh yïm, tya lö ompöwölo könyorï nyinte sïwïyagh nyo sis akïmi kïsïngo wölo kiptoy kegh ngwïny ompö lïs. Lenchini pich asagha malayken. Syolöy kegh chichoni kwïle ompö kinonutkachi cho pö ptangengmöt.

2 TIMOTEO 1:18

Nya kutö Echotyon nyinte kisyonötenyi asispa mïlaghtanyi. Olentan inkïtönyi lasiny wölanye kingaraktanïn nyinte ompö kanasyanta Epeso.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

EPRANIA 11:26

Kisïwa lö kaykay tya kuwongwï chi nko Kristo* kïsir kenyorï monkornöno koro Misri kïmïkul ompöwölo kimi kukönöy ropöwon nyo mi tagh.

EPRANIA 11:6

Akwoto puryö kighanat kïmemukonye kegh Tororöt kïngarak. Ompöwölo mïchini chi nyo wechini Tororöt, kughan lö mi Tororöt akutöni ropöw chane cho yöröy nyinte.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

RUS 1:16

Wölo kïlö Rus, “Mechikanïn lö tapakadinyi, anyapanan, ompöwölo wölini iwetenyi owetan tïkwïl, wölo imöngenyi omöngan tïkwïl, lïku pikökwa piköchan akïlïkwï Tororötïngu, Tororötïnyan.

RUS 2:11

Wölo kuyokyï Poas lö, “Kyalïman ngal löwïr cho kighchinyi potïchtangu kïngata otini kirapas pontengu nko wölo kipïstenyi papongu nko yongu nko koreto pikökwo aingwïn koro pich cho melö kenkïtönyi.

RUS 2:13

Atolapay kïlö Rus, “Kechamaninyi we echotyontenyu, ompöwölo kesaghsaghaninyi aingölonchï cheptöngu nyo karam nko melö kochan akonga nyo pö tipichï pöghisyewunyi.”

RUS 4:15

Lïku nyinte ompö nyi nyo yokunyi söpontöngu akïpaghïn ompö yosïntöngu, ompöwölo köyï monïngoni Rus potïchtöngu, nyo kiwunyi nyo karam tya kïtïl wor mut nko odeny.”

1 SAMWEL 24:19

Ompöwölo atonyorï chi punyontenyi, kïmöpïstonye kïsatat. Kïlenyona nya kïkoninyi ECHOTYON köromnyö ompö kïgh nyo keghwaninyi asete.

1 SAMWEL 24:20

Konkïtwan ye nyoman lö ilïkunenyi pöytoghin, akïteko pöyunöto Israel ompö nyi.