RUMI 9:3 - PIPÏLIA

³ akwompö piköcha cho kïpo kut akonga! Ntökemuko lö ngöroköy chane, kötolentan opï kö ani kegh nyo kochï chïpot akepesyon nko Kristo.

RUMI 9:3 ပူးပေါင်းရင်းမြစ်များ

TOWUNÖT 29:14

Kïlö Lapan, “Onkïtön nyoman lö ichinyi kowenyan aichï kisönköchan!” Kïtöpö nko nyinte arawa akonga.

2 SAMWEL 18:33

Kïnyorï Daudi nyarïl nyo wow. Kïwö kutang kö wölo le parak akïlok, otini kiwetöy kïlö, “Heywey, werïnyu Apsolom, werïnyu Apsolom! Kötö ngwangwa ameghan nyo le ani kïtïl nyi! Werïnyu Apsolom.”

ESTA 8:6

Ompöwölo omukan lö ne omïkukönöy osïwïyan kungwïnchini piköcha kiwurata nyo teno nyoni? Anta omukan lö ne asis otini kïmi kewongöy piko orencha?”

WUWÖT 32:32

Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

IGHISYEWUT 13:26

“Kïlenyona, werköcho, cho ochï monïngo Apraam nko pichi walaka tïkwïl cho mi kwenunkwa cho konyïtöy Tororöt kakwitwech ngölyontonï pö sörunöt.

IGHISYEWUT 22:5

Muköy ntökukïniniö Tïsin nyo Wow* nko Kokwö* nyo kikikirchï werköcha pipö Yaudi kïmïkul lö omwoghan ngala man. Kyosïkan chane palaltin cho kimi Damaska, owan nyu wöloni atamïtï pich kïpka Yerusalem kïrötote atökemuny.”

IGHISYEWUT 28:21

Kïlenchï pïchay, “Tomönye kesïköcha palalyan nyo ngwïno Yudea nyo poru lö ichinyi lelate, akïtomönye kelïmacha ngal chonikïny ompö kighönicho cho pkono wölini, anta mwa ngölyon nyo gha ompö nyi.

RUMI 1:3

Ngölono Loköyechï Wero Tororöt akï Echotyontenyo Yeso Kristo nyo kikïyï ompö ara Daudi.

RUMI 11:1

Otepan nyu lö, kitagh so Tororöt pikachi? Ewo! Ochan nyete le ani chi pö Israel, mompö Apraam, nyo pö ara Penchamen.

RUMI 11:14

Töptoy ighöy nyoni piköchan, pipö Yaudi, kwam nyonyintön ompö akwa, atamanyïl osörï walaka ompö chane.

RUMI 16:11

Otokweswo Erodion, nyo le chi pö Yaudi le ani nko pipö Kristo ompö ka Narkisi.

RUMI 16:21

Ketakwesakwa Timoteo nyo kïpöghisïyecha tïkwïl akutakwesakwa Lukio nko Yason nko Sosipata cho le pipö Yaudi le ani.

RUMI 16:7

Otokweswo werköcha cho le pipö Yaudi le ani Androniko nko Yuniya chay kikïmitecha chela tïkwïl, akunkïtote chane lasiny ompö kiyoytoghi Kristo. Chane ompö cho kinya kughan Kristo kïtomö aghanan.

RUMI 9:2

Nyo pö nyoman otïngetan mïghöt nyo wow nko ngwonïn nyo mewonyotnye ompö mïkulöwunyan,

1 KORINTO 12:3

Omökan ye nyu onkïtunekwa lö möminye chi nyo ntöghoghchini Mïkulöwu Tororöt nyo muköy kïmwoghöy lö, “Nya kïchïpö Kristo,”* akï möminye chi anka tïkwïl nyo muköy kïmwoghöy lö, “Yeso kï Echotyon,” kïpoto ato ntöghoghchï Mïkulögh nyo Tïlil.

1 KORINTO 16:22

Akanya kïchïpö chi anka tïkwïl nyo möchömönye Echotyon! Maranata, nyoni kï, Nyonö Echotyontyenyo!

2 KORINTO 12:15

Omitan kïpsach nyoman opöghisyeghö tïkuchan löwïr akokonwan kegh nyoman ompö tösunöto mïkulöwekwa atamukan angarakakwa. Ochömanïkwa so kite ompöwölo kachamakwa lasiny?

KALATIA 1:8

Wölo kïrkegh kö acha anta kö malaykayan nyo kengwïna yïm akwomwokwa lökoye walaka cho sis nko chanya kyalïmakwa kyomunecha, akany kïchïpö nyinte.

KALATIA 1:9

Kökikenyaghacha kemwagh tagh, amwoghan ye ngat lö, ato töp chi anka tïkwïl ntökïmwowokwa lökoye walaka cho sis nko chanya kyaghanakwa akany kïchïpö nyinte.

KALATIA 3:10

Wölo chïpote chane tïkwïl cho körtegho kegh ighisyewut pö kirurut. Ompöwölo mwoghöy Kikirut lö, “Kïchïpöy chi anka tïkwïl nyo mörïpönye akwigh tïkwïn löwïr cho kikikir kitapu Kirurut.”*

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

EPESO 6:5

Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

KINONO KIRURUT 21:23

mopïsyï kïrï ketoni ntökïyech, ompöwölo mi chïpöto Tororöt paraku chi nyo kiwuso, kïlenyona otïp nyinte asisoni atömosïmnyon kor nyo konokwa ECHOTYON Tororötïnkwa.

1 SAMWEL 14:24

Kyam kömöy pipö Israel asisoni, ompöwölo kyomchï Saulö muma lö, “Chïpote chi anka tïkwïl nyo omisïyi asisï ntökwimön, ntökïtenö atakan pungköchan.” Kïlenyona möminye chi nyo kyomisyö asisoni kwimön.

1 SAMWEL 14:44

Kïlenchï Saulö nyinte, “Nya kïtïghanïn Tororöt ato memeghanyinye.”