RUMI 9:22 - PIPÏLIA

²² Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

RUMI 9:22 ပူးပေါင်းရင်းမြစ်များ

TOWUNÖT 15:16

Mïlonchot moneku koronete ato itïta pïnwöy angwan, ompöwölo tomönye kwitïta ghöyityo pipö Amori.”

TUMWÖY 90:11

Ekï ngo nyo nkït ngwonïn pö nörekyengu? Ngo nyo köngöy sïngeryengu nya?

WUWÖT 9:16

Kopïstinyi söpö, ompöwölo omökan oporunyi owesyenyan, atökïrumtö kaynenyan ompö ngwïny kïmïkul.

NGÖTÏNYÖ 16:4

Kigh ECHOTYON kïgh anka tïkwïl kïmi kerötenyi, kigh ompö mwokïyis kïlïkwï nyingwa asispa nyarïl.

LOK 3:22

Möngötönye chomnyo ECHOTYON kokay, melö wonyot kisyonutkachi.

KIYITUT 14:11

Kïlenchï ECHOTYON Musa, “Sösanïn pïchï nko oyï su? Akïtöghöy kughananïn nko oyï, kïrökegh koporchan chane töngönchintin cho chang?

KIYITUT 14:18

‘Melö nyölo ECHOTYON lawel, tïng chomnyogh nyo möminye söröm akïlöstoghchini pich ghöyityö nko lelutkökwa. Töko monïng ghöyïntino papotïnekwa pïnta nyo pö sömök nko nyo pö angwan.’

RUMI 1:18

Kikengongwï nörekyo Tororöt ompö yïm ompö paraku ngokï nko ghöyityo pich, cho tïpöy man ompö ighisyewutkökwa cho ghach.

RUMI 9:17

Ompöwölo mwochini Kikirut Parao lö, “Kyaghinyi lïkuna pöytoghin, atopöghisyegheninyi aparta owesyenyan atökunkïtï pich kaynatenyan kïghömï ngwïny kïmïkul.”

RUMI 9:20

Wölo ilentenyi ptangengmöt ochï ngo nyo mölöy kegh nko Tororöt? Kilïmanyi tör nyo tepöy ighintenyi lö, “Kölö ne teghaninyi le nyï?”

RUMI 9:21

Mötïngnye so ighinto tör man nyo pöghisyegho mönenyi lenyini kömököy? Ompö mönö akonga muköy kwigh tören odeny. Ighöy anka kïpöyit osiswo ichon, kwigh anka kïpöyit osis löwïr.

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.

1 TESALONIKE 5:9

Ompöwölo melö kikïlecha Tororöt atökewongunenö nörekyenyi, wölo kikïlecha atöketaka sörunöt ompö ara Echotyontenyo Yeso Kristo,*

2 TIMOTEO 2:20

Ompö kö nyo wow mi karïn cho chang cho lata tören nko otupöy. Kikigha walaka kari silpa nko koltin, kegha walaka ket nko mönö. Kïpöghisyegho walaka ompö osiswo ichon, kepöghisyegho walaka ompö osiswechinö walaka.

1 PETRO 2:8

Akïmwoghöy Kikirutkö walaka lö, “Anyï kogh nyo kwötöy pich akï ghat nyo pïtyegho pich.” Pïtyot chane ompöwölo kimeghancha ngölyontononi. Lata nyoni wölo kikikïtat Tororöt lö igho ompö chane.

1 PETRO 3:20

Ki mïkulis pö pich choni, cho kipeny ngala Tororöt otini kimi Tororöt kïkönyisïyi ompö mïkukönöt osiswechanya kimi Noa kïteköy melinyi. Ngörï kikïsörï pich pögh cho meket pögh melinoni: ki pich mut nko sömök kïpoto.

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

2 PETRO 3:15

Oyitö lö mïkukönöto Echotyontenyo ompö acha, akï pöroyïn nyo kökonecha tökenyorunö sörunöt le wölanye kikirwakwa werïnyo Paulö ompö ngöghomnyö nyo kitö Tororöt.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.