RUMI 9:20 - PIPÏLIA

²⁰ Wölo ilentenyi ptangengmöt ochï ngo nyo mölöy kegh nko Tororöt? Kilïmanyi tör nyo tepöy ighintenyi lö, “Kölö ne teghaninyi le nyï?”

RUMI 9:20 ပူးပေါင်းရင်းမြစ်များ

2 SAMWEL 16:10

Wölo kïlenchï pöytoghintö Apisyay nko werïngwa Yoap, “Melö lata nyona werpö Seruya, töptoy chïpisïyi nyinte ompöwölo kömwochï ECHOTYON lö, ‘Chïpö Daudi.’ Ngo nyu nyo mwoghöy lö, ‘Ompö ne takwigh nyinte le nyï?’ ”

AYUPU 16:3

Oyï ato wonyot ngalekwa chi puryö kinyiwut? Anta kïgh ne nyo keghinyi mölyöngunö?

AYUPU 33:13

Ompö ne tegheghchinenyi Tororöt lö, meyokwïnye ngaleku ompö akonga.

AYUPU 36:23

Ngo nyo kitötyï nyinte arenyi anta ngo nyo muköy kïlenchï, ‘Keghanyi nyo gha?’

AYUPU 40:2

“Muköy chi nyo tïng lelut kïnam kegh kut nko Kimuktoghin? Aso nyu, yokyïne Tororöt nyï kenamanyi kut.”

AYUPU 40:5

Kangalanan kïnyïl akonga amoyokunanye. Kyangalanan kïnyïl odeny, wölo motösanye.”

AYUPU 40:8

Imökenyi ompö mwoghe lö otïngön lelut pö man? Irwokyinaninyi tökeyityinyi man?

AYUPU 9:32

Ntö kö ptangengmöt Tororöt, kötomölyöngchinan, akepa kokwö kerwok nko nyinte.

ISAYA 10:15

Wölo kïlö ECHOTYON, “Muköy so oywö kwighöy kegh lö ochï wow kïsir chitö nyo pöghisyegho? Pïchigh so mïsumenö kïsir chitö nyo pöghisyegho? Melö syolöy lïkïp chi, chi nyo syolöy lïkïp.”

ISAYA 29:16

Wöghököy chane kïgh anka tïkwïl kïchumpön. Akupim kïsïkwï lö ekïngo köny nyo pïchigh tya, ighinto tör nya anta mönö? Muköy so kïgh nyo kegh chi, kïlenchini chichini kigh, “Melö kighaninyi?” Ante lenchï, “Melö inkïtönyi kïgh nyo ighöy?”

ISAYA 64:8

Wölo ichinyi paponcha, we ECHOTYON. Kïlatecha mönö ilatenyi ighinto tören. Kighechanyi,

YEREMIA 18:6

“Ayo, akwa pipö Israel, motïngetanye so man aghakwa lenyini keda ighinto tören mönenyi? Monkïtökwanye so lö omikwa morichan le mönö nyo mi mori ighinto tören?

DANIEL 4:35

Melö yitöy pich ompö ngwïny kïmïkul lö kïgh, pöytoy nyinte malayken ompö yïm nko pich ompö ngwïny ompö machatenyi, Amöminye chi nyo töghöy makatenyi anta lenchï, ne nyï ighenyi?

MIKA 6:8

Ewo, melö lenye nyoni we ptangengmöt. Kïgh nyo mökenecha ECHOTYON kï nyï: kegh man akeparta chomnyogh nyo mamïnïng, akemïnïngityï kegh Tororötïnyo.

MATAYO 20:15

Kömotïngetanye so man otötö tïkuchu le wölo komöktoy? Kelilinyi so köromïntanyan?’ ”

LUKA 12:14

Kuteghchï Yeso chichay lö, “Ayo, kighanïn ngo oghyongchï anta alïkwï chöghinto tïkukwa kwodeny?”

RUMI 14:4

Ichinyi ngo nya terwokyine mötworinto chitö anka? Ato kegh cho rokono anta ewo, kï paraku echotyontenyi kegh kïmwa. Wölo ato igh cho tenate, kwompöwölo Echotyon nyo kengarak nyinte.

RUMI 2:1

Ato irwokyinenyi pikö walaka, möminye wölo ichïwïtonyi nyinte tïkwïl, kïrkegh kechï ngo. Ompöwölo otini irwokyinenyi pikö walaka aimitenyi ighöy tïkwïl tïkuchoni ighöy chane, imitenyi irötöy kegh nyinte.

RUMI 2:3

Wölo, inonenyi so, otini irwokyinenyi pich cho ighöy tïkuchoni lö ichïwötonenyi kirwoko Tororöt akwanyï ighenyi nyinte tïkwïl tïkuchoni?

RUMI 9:21

Mötïngnye so ighinto tör man nyo pöghisyegho mönenyi lenyini kömököy? Ompö mönö akonga muköy kwigh tören odeny. Ighöy anka kïpöyit osiswo ichon, kwigh anka kïpöyit osis löwïr.

RUMI 9:22

Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

1 KORINTO 1:20

Ato lenye nyoni, mi onö nyu chi nyo ngöghom? Anta mi onö psïkulyon? Akïmi onö ngöloninto könyiswechï nya? Ayo, melö so yitöy Tororöt ngöghomnyo ngwïnyinï lö sölwontön?

1 KORINTO 7:16

Imukenyi korka nyo ichï ghanate tenkïtï lö ne lö memukenyinye sörune santengu? Anta nyi nyo ichï mïrön nyo ichï ghanate, tenkïti lö ne lö memukenyinye sörune korkengu?

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

2 TIMOTEO 2:20

Ompö kö nyo wow mi karïn cho chang cho lata tören nko otupöy. Kikigha walaka kari silpa nko koltin, kegha walaka ket nko mönö. Kïpöghisyegho walaka ompö osiswo ichon, kepöghisyegho walaka ompö osiswechinö walaka.

TITO 2:9

Mïchini sekey kïkonyït yetïntinekwa akupaypay chane ompö kïgh anka tïkwïl, amerokonye kumölomöl kegh tïkwïl,

YAKOPO 2:20

Wechï ichinyi sölwö! Imökenyi keporunyi so lö, möminye kïgh nyo nyiwu kighanat nyo puryö ighisyewut?