RUMI 8:9 - PIPÏLIA

⁹ Wölo melö orïpekwa otöp nyo pö por, orïpekwa cho pö Mïkulögh, ato man lö möngöy Mïkulöwu Tororöt orinkwa. Anka tïkwïl nyo mötïngnye Mïkulöwu Kristo, kïmelö nyenyi chichoni.

RUMI 8:9 ပူးပေါင်းရင်းမြစ်များ

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

LUKA 11:13

Ato onkïtökwa nyu pich cho ghach otöni monekwo tïkwïn cho karamach, töni nyu kïtya Paponkwa nyo mi yïm Mïkulögh nyo Tïlil pich cho somöy nyinte?”

YOANA 14:17

Nyinte kï Mïkulöwu man akïmemukönye ngwïnya kïtoköy ompöwölo mösïwïyinye nyinte anta nkïtï. Wölo onkïtökwa nyinte, ompöwölo mi nyinte nko akwa akïmi orinkwa.

YOANA 14:23

Kuyokyï Yeso nyinte lö, “Chi anka tïkwïl nyo chömanïn kïrïpöy ngölyontenyan akïchömöy nyinte Paponyan akepkonecha wölo mi nyinte aketïpïyö nko nyinte.

YOANA 3:34

Mwoghöy chichoni kiyonï Tororöt ngala Tororöt, ompöwölo töni Tororöt nyinte Mïkulögh kuwayta.

YOANA 3:6

Nyo kiyï chi kï chi kïkany nyo kiyï Mïkulögh kï mïkulögh.

IGHISYEWUT 16:7

Akwotini kitïta chane rotyot Misia, kumukyï lö kyoghsot kepetöy koro Pitinia, wölo möchömchïnye Mïkulögh pö Yeso chane.

RUMI 7:5

Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

RUMI 8:11

Ato mi orinkwa Mïkulöwu Tororöt nyo kigh Yeso kututunö ngwen, kwighöy Tororötnoni kigh Kristo Yeso kututunö ngwen porwöyikwa kïsöpchö, ompö Mïkulöwunoni mi orinkwa.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 15:23

Wölo tutuno anka tïkwïl otöptanyi: Nyo pö tagh kï Kristo. Kïrïpta nyu pikachi asisoni itu Kristo.

1 KORINTO 3:16

Monkïtökwanye so lö ochikwa Kö pö Tororöt* akïmöngöy Mïkulöwu Tororöt orinkwa?

1 KORINTO 6:17

Wölo chi nyo kelinyö kegh nko Echotyon kïlïku mïkulögh akonga nko nyinte.

1 KORINTO 6:19

Monkïtökwanye so lö porwöyikwa kï kö pö Mïkulögh nyo Tïlil nyo mitonekwa, akï Tororöt nyo kikonokwa? Melö opoyekwa nyu kegh.

2 KORINTO 10:7

Orosekwa tïkwïn okumpö sany kïpoto. Ekïmi kwenunkwa chi nyo nonöy lö ochï chi pö Kristo nya? Nya kunonchï kegh lö, kïchicha tïkwïl pipö Kristo le wölo lata nyinte.

2 KORINTO 6:16

Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”

KALATIA 4:6

Kiyonï nyu Tororöt Mïkulöwuto Werïnyi kïlït mïkulöwecha, riröy Mïkulöwunoni lö, “Papo, Paponyu.”

KALATIA 5:24

Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.

EPESO 1:13

Kighakwa Tororöt alïkuna pikachi akwa chona kyalïm ngölyonto man, nyoni kï Lökoy cho Karamach cho kipkokwa sörunötengwo akyaghanakwa Kristo, akïpelchokwa Tororöt machey nyoni. Kï Mïkulögh nyo Tïlil nyo kikikuyomisï pikachi.

EPESO 2:22

Kïmi ketekokwa tïkwïl alïkuna akonga nko nyinte aketekokwa nko pikö walaka alïkuna möngo Tororöt kuwerï Mïkulöwunyi.

EPESO 3:17

atökïmang Kristo mïkulöwekwa ori ompö ara kighanat. Osoghan owudenökwa ighin akepintitakwa ompö chomnyogh nyo ghyongote.

PILIPI 1:19

ompöwölo onkïtön lö kïsörwanïn ompö sowutkökwa nko kingarakata Mïkulöwu Yeso Kristo.

2 TIMOTEO 1:14

Ikaman tïkuchoni karamach kökoninyi Tororöt ompö owesyo Mïkulögh nyo Tïlil nyo töpo orincha.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

1 YOANA 3:24

Anka tïkwïl nyo rïpöy Kirurut pö Tororöt, kïmi nyinte nko Tororöt, akïmi Tororöt nko nyinte. Kimukecha kenkïtune lö kïmicha nko Tororöt ompöwölo porwecha Mïkulögh nyo Tïlil nyo kikonecha nyinte.

1 YOANA 4:13

Kinkïtöcha nyo pö nyoman lö kïmicha orito Tororöt akïmi nyinte orincha, ompöwölo kikonecha nyinte Mïkulöwunyi.

1 YOANA 4:4

Wölo akwa monechu opokwa Tororöt, akyarïntekwa werkoyi putintön, ompöwölo tïng owesyö Mïkulögh nyo mi orinkwa kïsir mïkulögh nyo mi orito pipö ngwïny.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.