RUMI 8:31 - PIPÏLIA

³¹ Kwoto lata choni ngalechï, kemwoghecha ne ngat nyu nya? Ato mi Tororöt okuntöncha, kï ngo nyo rïntonecha?

RUMI 8:31 ပူးပေါင်းရင်းမြစ်များ

TOWUNÖT 15:1

Nyini kiwonyö ngalechoni, kungwïn ngölyonto ECHOTYON wölo mi Apram ompö sïwïyagh nyo kilö, “Mewöghisyö Apram! Ochan longengu. Akoninyi ropöwon nyo wow tya.”

1 PÖYTOGHÏ 8:57

Osoghan ECHOTYON Tororötïnyo lö tötöpö nyinte nko acha lenyini kitöpö nyinte nko papotïnecha atömöpïstecha anta chalecha.

2 PÖYTOGHÏ 6:16

Kuyokyï Elisya lö, “Mewöghisyö, kïtïngetecha söpïch nyo wow kïtïl cho tïng chane.”

1 OTÖPTINO OSIS 19:15

Nyini kisïwa pipö Amon lö kiryögh pipö Sirya, kïryögh chane tïkwïl ompö tawu Apisyay akïlïtöy kanasyan. Kïmïla nyu Yoap Yerusalem.

1 OTÖPTINO OSIS 5:22

kïpar chane pungkökwa cho chang, ompöwölo ki machata Tororöt porye. Akïmang kore ntökïtenö osiswo wuwöt.

TUMWÖY 118:6

Ato mi ECHOTYON akuntönyan, kïmowöghisïyanye, idenanïn ne ptangengmöt?

TUMWÖY 46:11

Mi ECHOTYON Kimuktoghin nko acha, Tororöt pö Yakopo nyo le köpönencha. Ompö kintöghoghinto tumï. Tum pö werpö Kora.

TUMWÖY 46:7

Mi ECHOTYON Kimuktoghin nko acha, Tororöt pö Yakopo nyo le köpönencha.

TUMWÖY 56:11

Otwoytonan kegh nyinte, melö owöghisïyan. Muköy ptangengmöt kwidonanïn ne?

TUMWÖY 56:4

Osölan Tororöt ompö ngölyontenyi. Otwoytonan kegh nyinte, melö owöghisïyan. Muköy ptangengmöt kwidonanïn ne?

TUMWÖY 56:9

Ryöghöy pungköchan, otini kokurön kaynatengu. Onkïtwan nyu lö, mi Tororöt nko ani.

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

ISAYA 8:10

Atata tötutkökwo! Wölo mötïngcha kinyiwut. Angalana ntökumuchö, wölo lïku choni lapay kwïle, ompöwölo mi Tororöt nko acha.

YEREMIA 1:19

Poryegheninyi chane, wölo mörïntoninyinye ompöwölo omitan nko nyi tosörunyi.” Mwoghöy ECHOTYON.

YEREMIA 20:11

Wölo imitenyi, we ECHOTYON nko ani, ichinyi nyakan nyo kiwöghöy. Kïlenyona pïtyot kwïle pïchay chopanïn kong, amemukönye kïrïntanïn. Nömöy chane arasï nyo wow nyoman ompöwölo melö kitökumukisyö tötutkökwa Nömöy chane arasï nyo pö kokay, arasï nyo melö kïwutyegho.

YEREMIA 42:11

Opïstenö mowöghe pöytoghinto Papilon ompöwölo omitan nko akwa atosörwokwa ompö morichi.

KIYITUT 14:9

Nyo magh nyo gha atagh ECHOTYON amawagh pipö pö koronini, ompöwölo kïrïntocha chane le kwïle. Mi ECHOTYON nko acha melö tökïtïng chane kingörokut, kïlenyona mowöghisyö.”

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

RUMI 4:1

Kïmwoghecha ne ye nyu, ompö kukötönyo Apraam?

KINONO KIRURUT 33:29

Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”

YOSWÖ 10:42

Kïnam Yoswö ompö osiswechoni pöytoghichoni löwïr nko koroswekwa, ompöwölo kiporyechï ECHOTYON Tororöt pö pipö Israel chane.

1 YOANA 4:4

Wölo akwa monechu opokwa Tororöt, akyarïntekwa werkoyi putintön, ompöwölo tïng owesyö Mïkulögh nyo mi orinkwa kïsir mïkulögh nyo mi orito pipö ngwïny.

1 SAMWEL 14:6

Kïlenchï Yonatan ipintonay pö karichi pö poryot, “Nyonö kepe möngonï pö sompenichï mi yi ate. Töptoy muköy ECHOTYON kungarakech, ompöwölo möminye kïgh nyo körtoy ECHOTYON kïsörï ompö pich cho chang anta kö ngörï.”