RUMI 8:30 - PIPÏLIA

³⁰ Kïlenyona nyu, pïchoni kikïl nyinte kïngeta otini le könyisyok, cho kikïkur, akï pïchoni kikïkur cho kiyityï nyinte man, akï choni kiyityï man cho kitö kïgham ororyenyi.

RUMI 8:30 ပူးပေါင်းရင်းမြစ်များ

ISAYA 41:9

Kyamïtwakwa apkanena kor wölo low tya, kyokurokwa apkanena söremwok pö ngwïny, alenchokwa, ‘Ochikwa mötworichan.’ Melö kyataghakwa wölo kyakïlakwa.

YOANA 17:22

Kyotönön chane ororyö nyo karkegh nko nyanye kikonaninyi atökumï chane kïlïkwï kïgh akonga, le wölini ichinyi akonga nko ani,

YOANA 17:24

“Paponyu! Omökan chane choni kekonanïn kïmi nko ani atoni omitan, atökumï chane kïsïwa töroryenyan nyanye kikonaninyi, ompöwölo kichömaninyi kïtomö kegh ngwïny.

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

RUMI 1:6

Ochikwa tïkwïl löwïr cho kikurok Tororöt alïkuna pipö Yeso Kristo.

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

RUMI 8:21

lö, tökesöru tïkuchoni löwïr kïngetunö sekeynöno kiwurat, akïghamta akonga kityakata monïngo Tororöt nyo pö töngönchin.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

1 KORINTO 1:2

Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.

1 KORINTO 1:9

Ghanate Tororöt nyinte nyo kikurokwa oghömenö nko Werïnyi, Echotyontenyo Yeso Kristo.

1 KORINTO 2:7

Ngöghomnyö nyo kïpöghisyeghonecha kï ngöghomnyo Tororöt nyo kikiwïnya ptangengmöt kïngeta nyini le towunöto ngwïny, wölo kikikïkïl nyinte ompö ororyencha.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

KALATIA 1:15

Wölo kinya Tororöt kïkïlanïn ompö pöropchenyi akulowitanïn kïrkegh otini kitomönye keyïyanïn

KALATIA 1:6

Kotöngönchokwa otï kapenyakwa lawel nyinte nyini kikurchokwa pöropcho Kristo, arïp lökoye walaka cho sis.

KALATIA 5:8

Melö Tororöt nyini kikurokwa nyoni kitaghenakwa.

EPESO 1:11

Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.

EPESO 1:5

Kinya Tororöt kïkïlecha könyisyok kelïkuna monechi ompö ara Yeso Kristo, kïle wölo lata köromnyö nyo pö machatenyi.

EPESO 2:6

akwïghecha ketutunö nko nyinte akïkonecha kelïnyenö nko Kristo Yeso, atöketïpinö nko nyinte wölnö le yïm,

EPESO 3:11

Kigh Tororöt lenyoni kïrïp kegh nko machatenyi nyo pö könyisyok kokay nyo kitat nyinte ompö ara Kristo Yeso Echotyontenyo.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

KOLOSAY 3:4

Akwotini kechumï Kristo nyini le söpontönkwa nyo pö nyoman ochumunekwa tïkwïl nko nyinte ompö ororyö.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

2 TIMOTEO 2:11

Pö man ngölyontonay lentöy, “Ato kikemeghecha nko nyinte, kesöpsocha nko nyinte tïkwïl.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

2 PETRO 1:10

Kïlenyona nyu tupchenichu, onoghyenö okilö kegh lasiny atachïchima kuröto Tororöt nko löwönötenyi ompö akwa kwaghïghit, ompöwölo ato aghakwa lenyoni, kïmopïtyinekwanye ngokï nyonikïny.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 19:9

Atolapay kïlenchanïn malaykayantanoni, “Kira ngalechï: Soyönote chane cho kakekurchï akorpa kensyo Wawa Kech.” Akïlenchanïn ngat, “Ngala man chete cho kökonï Tororöt man.”