RUMI 8:25 - PIPÏLIA

²⁵ Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

RUMI 8:25 ပူးပေါင်းရင်းမြစ်များ

TOWUNÖT 49:18

“Kyakanyan sörunötengu ECHOTYON.

TUMWÖY 27:14

Könö ECHOTYON aisïch kighanat, mekany kïmeghïn mu, owöy, könö ECHOTYON. Tum pö Daudi.

TUMWÖY 62:1

Oköngan Tororöt ompö sison, ngwïno sörunötenyan wölo mi nyinte.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 26:8

Kïrïpecha kirurutköku, akekönecha nyi, nyi onkït nyo pïrchini mïkulisköcha.

LUKA 21:19

Achïchïm nyu lasiny tonyorunö söpon.

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:23

Amelö tïkuchoni kikigh opïn cho chirsot, wölo kïmitecha chete le acha tïkwïl kichïr ompö orinyo, cho kïtïng Mïkulögh nyini le ropöwonto Tororöt nyo pö tagh, otini kïköngecha nyinte kwighecha kelïkuna monechi, akenyorï kityakatenyi.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 14:12

Akwompö choni, mïchini kïmïkukön pipö Tororöt. Choni kï chane cho rïpöy Kirurut pö Tororöt amötomtomön kughönöy Yeso.