RUMI 8:24 - PIPÏLIA

²⁴ Ompöwölo kikïsörwecha ompö kikönötononi, wölo ato sïwïyi chi kïgh nyo könöy, kïmelö tökïkikönöt nyoni. Ompöwölo chi ne nyo könöy kïgh nyo sïwïyi?

RUMI 8:24 ပူးပေါင်းရင်းမြစ်များ

TUMWÖY 146:5

Ngarakate chi nyo nyorchini kingörokut Tororöt pö Yakopo akukönöy ECHOTYON Tororötïnyi,

TUMWÖY 33:18

Komönöy ECHOTYON chane cho konyïtöy nyinte, pich cho twoytoy kegh chomnyenyi nyo pö kokay,

TUMWÖY 33:22

We ECHOTYON, nya kïtöpö chomnyengu nyo pö kokay nko acha otini kïmitecha keköninyi.

NGÖTÏNYÖ 14:32

Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

YEREMIA 17:7

“Wölo osoyönan chi nyo tighenanïn kegh, chi nyo twotyenanïn kegh.

SAKARIA 9:12

Akwa we pïnot cho otïng kikönöt, omïlisyenö osorunö wölo oghïpcheghoy. Omwowokwa ye nyu lö, Kyonyorukwa nyörilwok cho chang, wölo osoyönokwa kïnyïl odeny ompö choni.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 4:18

Kighan Apraam Tororöt akukönisyö, kïrkegh kimelö kitökïmi kïgh nyo kitökekönöy kïrïp kegh nko wölini kilata ngala. Kïlenyona kïlïkwï nyu nyinte papo nyo pö punton cho chang, le wölo mwoytoy kirurut paraku Apraam lö, “Chongitu piko arengu le kokel.”

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

RUMI 8:20

Ompöwölo kikitö tïkwïn löwïr cho kikigh kupotö kerötö, amelö ompö machatengwa kegh, wölo ompöwölo kicham Tororöt lenyoni. Wölo kïrkegh kïlenyoni, kïtökïmi kikönötö

1 KORINTO 13:13

Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.

2 KORINTO 4:18

Kïlenyona nyu, mökeros tya tïkwïn cho kïsïwïyi, poto cho melö kïsïwïyi. Ompöwölo pö osis cho ngörï pat tïkwïn cho kïsïwïyi, poto cho melö kïsïwïyi cho pö kokay.

2 KORINTO 5:7

Ompöwölo kïpestotocha ompö kighanat amelö ompö kirosïtagh.

KALATIA 5:5

Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

EPRANIA 11:1

Kighanat, kï kenkïtï lö pö man tïkwïn cho kïmi keköngöy, akekïniniö tïkwïn cho melö kïsïwïyi.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.