RUMI 8:17 - PIPÏLIA

¹⁷ Akwompöwölo kichicha monechi, kenyorunecha kisoyönut löwïr cho rorchini nyinte pikachi, akenyorunecha ngat nko Kristo tïkwïn cho kirorchï Tororöt nyinte. Ompöwölo ato kinyarilecha kong nko Kristo, keghömecha ororyenyi nko nyinte.

RUMI 8:17 ပူးပေါင်းရင်းမြစ်များ

MATAYO 16:24

Kïlenchï nyu Yeso kinetankachi, “Ato mököy chi anka tïkwïl kïrïpanïn kïmïchini kusalta kegh akïkasan kimurtöwontenyi akïrïpanïn.

MATAYO 25:21

Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

LUKA 24:26

Kimömïchïnye so Kristo* kuwongwï lenyoni kïtomö kïlït ororyenyi?”

YOANA 17:24

“Paponyu! Omökan chane choni kekonanïn kïmi nko ani atoni omitan, atökumï chane kïsïwa töroryenyan nyanye kikonaninyi, ompöwölo kichömaninyi kïtomö kegh ngwïny.

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

IGHISYEWUT 20:32

“Kïlenyona, opïsinökwa ye nyu ewuno Tororöt nko ngölyonteto kisyonötenyi, nyo muköy kïtekokwa akïkonok kisyonöt nyo rorchini pikachi lapay.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 5:17

Ompöwölo ato kipöyï meghat pich ompö lelutyo chichoni le akonga, kïwow nyu tya söpon ompö pich cho toköy pöropcho Tororöt akeyityï man ompöwölo mi nyinte. Mukisyot choni ompö ara chichoni le akonga, Yeso Kristo.

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

1 KORINTO 2:9

Wölo kïle wölo mwoghtoy Kikirut lö, “Kighchï Tororöt pich cho chömöy nyinte tïkwïn cho kitomöcha kïsïwa kong anta lïm yit, tïkwïn cho kitomöcha kïpköchï ptangengmöt.”

2 KORINTO 1:5

Ompöwölo kïle otini töso kiwongunötenyi pö Kristo ompö orincha, kïtösisyot tïkwïl lenyoni soghsowutköcha ompö nyinte.

2 KORINTO 1:7

Akïchïchïmate kikönötencha ompö akwa, ompöwölo kinkïtöcha lö, kïle otini owongunekwa nko acha oghömekwa tïkwïl saghsaghatencha.

KALATIA 3:29

Ato kalïkukwa yïyo Kristo, kïkalïkukwa nyu yïyo Apraam cho omïlöy tïkuchoni kiyomisï Tororöt.

KALATIA 4:7

Melö techinyi nyu sekeyon ngat, wölo kelïkunyi wero Tororöt. Ato kelïkunyi wero Tororöt, kïkoninyi Tororöt tïkwïn lapay cho kikïrorchï nyinte monechi.

EPESO 3:6

Nka nyoni kinyorï pipö punton tïkwïl karerantangwa nyo pö kisoyönöto Tororöt le pipö Yaudi kuwerï amtaghta Lökoy cho Karamach, ngichayay chane cho pö porini le akonga. Akï ghömtoy chane kiyomisötonini le akonga kigh Tororöt kuwerï Kristo Yeso.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

PILIPI 3:10

Omökan onkïtu Kristo nko owesyo kitutunötenyi agham nko nyinte kiwongunötenyi, atakarakegh nko nyinte ompö meghenyi,

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 6:17

Kimököy Tororöt kuporu lasiny lö, möwöghökönye nyinte ngölyontenyi ompö pich cho kikuyomisyï nyinte, nka nyoni kïtasa kiyomisötenyi kiwalwalatenyi.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

1 PETRO 1:4

nka nyoni ye kïmitecha kerosöy tagh tökenyorunö kisoyönut pö Tororöt cho echön cho kirorchï nyinte pikachi. Körorwokwa nyinte tïkuchoni ompö yïm wölo mönïnsocha amöwïryocha anta payta nyonikïny.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.