RUMI 8:13 - PIPÏLIA

¹³ Ompöwölo ato omöngisyekwa kïrïp kegh nko mökutko porwöyikwa, omeghyonekwa, wölo ato arïpakwa cho Mïkulögh otïghekwa ighisyewutkökwo cho ghach asöpchö.

RUMI 8:13 ပူးပေါင်းရင်းမြစ်များ

AYUPU 20:13

kïrkegh möchömönye kïpïstoy akïpïrchï lïkwochuto kutinyi.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

RUMI 7:5

Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

RUMI 8:12

Kïlenyona nyu tupchenichu, kïtïngetecha ghoksyö, wölo melö kemöngisyö le wölo möktoy otöptöncha nyo pö ptangengmöt.

1 KORINTO 9:27

Ochopan kong portanyu apöyï, tömötöp otini komchan pikö walaka kumuchö, ketaghanïn.

KALATIA 5:24

Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.

KALATIA 6:8

Ato katkat chi ompö pïrchin pö por, kwilöy asïyech kiwurat. Ato katkat chi ompö Mïkulögh, kïnyoruno nyinte Mïkulögh ilö nyo pö söpon pö kokay.

EPESO 4:22

Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

TITO 2:12

Netecha pöropchonï kepïstenö otöp nyo mökonyïtönye Tororöt nko möchut pö ngwïnyinï, atöketïpinö ompö or nyo konyïtöy Tororöt ompö ngwïnyinï pö ye,

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.