RUMI 7:4 - PIPÏLIA

⁴ Lenye nyoni tïkwïl ompö akwa tupchenichu, kyomeghyekwa tïkwïl ompö kirurut, ompöwölo ochikwa kareranpa por pö Kristo,* apokwa nyinte nyini kitutunö ngwen, atömanyïl kelïkwï pich cho tïng kinyiwut ompö ighisyo Tororöt.

RUMI 7:4 ပူးပေါင်းရင်းမြစ်များ

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

ISAYA 62:5

Ompöwölo le ato ipöy mïrönö chepkïltït, kwipinyi tïkwïl nyinte nyini kighinyi. Kïle ato ngörökyini chi pö kensyö korkenyi nyo kep, kïngörökyininyi tïkwïl Tororöt.

MATAYO 26:26

Nyini kitökwomisïyi, kïcheng Yeso makatyan kusoyön akïmïnchïran akutö kinetankachi kïlenchï, “Achenga am, portönyan nyete.”

MARKO 4:20

Wölo kösïghechay kikïlechï nyïngwïtyan nyo akwagh, kïkarkegh nko pich cho lïmöy ngölyon akïtach akuyin akwa. Yiyöy nyu walaka akwa tömönut sömök, kïyï walaka 60, kïyï walaka 100.”

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

YOANA 3:29

Pö mïrar chito kensyö, akï ngörököy nyoman kongeto chichoni pö kensyö ato ghyongö atoni akïter kutinyi. Lenye nyoni tïkwïl wölo kanyïghï ngörekyenyan kïlïkwï.

YOANA 6:51

Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”

RUMI 6:11

Kïlenyoni tïkwïl mïchinokwa, oyitö kegh le pich cho kimeghö ompö ngokï, wölo cho söpchote ompö linyogh nko Tororöt ompö Kristo Yeso.

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

RUMI 6:2

Ewo kokay! Ompö ngala ngokï kïlatecha pich cho kimeghö, kimukecha nyu lö, ne kelete tagh keghe ngokï?

RUMI 6:22

Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

RUMI 7:3

Kïlenyona nyu, ato töp kokononi kïmöngisyö nko chitö anka otini tökïsöpöy santenyi kekuro nyinte cheporesyan, wölo ato rapas santenyi kutyaka ompö kirurut, amelö tökekuro nyinte cheporesyan ato ip chitö anka.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 10:16

Mökïghömechinechanye so kisön pö Kristo ompö kikompe nyo kïpöghisyeghonecha ompö omisyo Echotyon akeyokyï Tororöt sörö otini kïgheghonecha kikompononi? Ato kïmïnchïrecha makatyan, melö so kïghömechinecha por pö Kristo?

2 KORINTO 11:2

Omchinokwa nyonyintön, le wölo lata Tororöt tïkwïl, ompöwölo alatekwa chepkïltït nyo kakelotokönchï mïrönö akong onkït, nyoni kï Kristo.*

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

KALATIA 5:18

Ato ntöghowokwa Mïkulögh, kïmelö tökïpöywokwa kirurut ngat.

EPESO 2:15

Kiwang nyinte ompö meghenyi kirurut pö pipö Yaudi nko kinetutkökwa atömanyïl kwighuna puntonichoni kwodeny chi akonga cho tïng otöp nyo rel cho kakelinyö nko nyinte, akwompö aranoni kwipï kalya.

PILIPI 1:11

Kinyïghitöy söponwekwa akwa man cho muköy Yeso Kristo nyinte kuyinu ompö ororyö nko salata Tororöt.

PILIPI 4:17

Amolenchï kegh ompöwölo omökan pat otoke konut pö pich, wölo omökan kïtösisyot akwekwa ompö kaplawachtankwa.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

KOLOSAY 1:22

Wölo keghakwa Tororöt kongotichi otï le ye ompö megheto Werïnyi, atökumï kwighakwa alïkuna pich cho tïlilöch, cho puryö lelut anta kigheghchin anka tïkwïl ompö tawunyi.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

KOLOSAY 2:14

akïngongoghta ghosyö nyo kirwokyinecha lö kikelelacha. Kiwonyö choni lö döng otini kiwudochï nyinte kimurtöwon.

KOLOSAY 2:20

Ato kyomeghekwa nko Kristo aketyakenakwa paytaghpa mïkulis cho mi wölnö le mïröt, kwompö ne tomöngisyenökwa le ato tochikwa pipö ngwïnyinï? Akwompö ne torïpekwa kirurutchay lentöy,

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

NGONGUT 19:7

Nya keturonchenö akengörekyö. Kesala nyinte ompö ororyenyi nyo wow! Ompöwölo kikwitï kensyo Wawa Kech akakwigh kegh mïrare.

NGONGUT 21:9

Atolapay kungwïn wölo omitan malaykayan nyo kile akonga ompö malaykenichay le mut nko odeny kitïng pakulin mut nko odeny cho kinyïghitate nyörïlwoktino söröm cho le mut nko odeny akïlö, “Nyonö yi, atoporun Mïrar nyo pö kensyo Wawa Kech.”