RUMI 7:18 - PIPÏLIA

¹⁸ Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.

RUMI 7:18 ပူးပေါင်းရင်းမြစ်များ

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

TOWUNÖT 8:21

Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

AYUPU 14:4

Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.

AYUPU 25:4

Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?

TUMWÖY 119:173

Nya kïnamatenïn ewungu osis löwïr ompöwölo kyakïlan kinetutköku.

TUMWÖY 119:176

Kyatampararan le kech nyo kemperöl, yara mötworintengu, mowutyeghanye kirurutköku. Tum pö pusat.

TUMWÖY 119:32

Orïpan kirurutköku ompö machat, ompöwölo itöswaninyi pköchin.

TUMWÖY 119:40

Rose lö omchinanïn emö kinetutköku, konante söpon ompöwölo iponyi man.

TUMWÖY 119:5

Olentan, opï köghïteghote ortïnechan lachïs, ompö otini orïpan kikirutköku!

TUMWÖY 51:5

Ochan lelan kïngata otini kikïyiyanïn akyotïngetan ngokï kïngata omitan mu.

ISAYA 64:6

Kïchicha löwïr mwokïyis, kïrkegh keghacha tïkwïn cho kakïsïwïyi lö karamach, ki ghach tïkwïl! Kïlatecha sökö cho silonchot akïkutïta yomat akwompö ngokicha.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

LUKA 11:13

Ato onkïtökwa nyu pich cho ghach otöni monekwo tïkwïn cho karamach, töni nyu kïtya Paponkwa nyo mi yïm Mïkulögh nyo Tïlil pich cho somöy nyinte?”

YOANA 3:6

Nyo kiyï chi kï chi kïkany nyo kiyï Mïkulögh kï mïkulögh.

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 7:15

Möpköchinanïnye kïgh nyo oghöy, ompöwölo moghanye kini komökan oghöy, wölo kaghan kïyinö melö komökan.

RUMI 7:19

Nyinö kötoghan kini karam komökan oghöy, aghan nyo gha nyo kömomökanye oghe.

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 7:5

Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

KALATIA 5:17

Ompöwölo poryegho pïrchintino por möchut pö Mïkulögh, kïporyegho Mïkulögh pïrchintino por. Pung nyu chane kwodeny akuporu lö momukekwanye oghe tïkwïn cho komökekwa.

KALATIA 5:24

Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

PILIPI 3:12

Melö okwolan kegh lö kyatan söröm anta kyaten. Omitan onoghyot atonyorï, ompöwölo kikwighanïn Kristo Yeso alïkwï nyenyi.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 PETRO 4:2

Kïlenyona nyu ye mïchinokwa, ompö osiswekwa cho köngötï ompö ngwïnyinï otïpinö kïrïp kegh nko machata Tororöt, amelö kïrïp kegh nko pïrchin pö ptangengmöt.