12 Kïlenyona nyu, tïlilöch kirurut akï pö man akï karamach.
Kirökunenyi yïm ngwïny kutïng pö Sinay aingölönchinyi chane, atolapay itönyi chane kirurut cho pö man, nko kinetutköku cho karamach.
Ochöman kirurutköku kïtïl koltin, kïsir koltin cho pïchighöch.
Iponyi man, we ECHOTYON, akutenote kirwokutköku.
Pö man kiyomisötengu, akï chömöy mötworintengu.
Tumöy ngalyapunyan kiyomisötengu, ompöwölo pö man kinetutköku löwïr.
Punteghenö kiyomisötengu ani mötworintengu, le wölo kiyomisyinyi pich cho konyïtinyi.
Pö man kirurutköku löwïr, kechopanïn pich kong kwïle ngarakante!
Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.
Ekuporu ye nyoni lö kikemötecha kirurut ompö kighanatengwa? Ewo, puryö, nyo kötökïmötonecha, kepïlilacha kirurut.
Kinkïtöcha lö, Kirurut pö Tororöt kï pö mïkulögh, wölo ochan ptangengmöt nyo kikyelta kïlïkwï sekeyonto ngokï.
Kïkany nyu ato aghan kïgh nyo kömochömanye oghöy, kuporu lö kachaman lö, karamach kirurut.
“Atere ye nyu pipö Israel kïgh nyo mökenokwa ECHOTYON Tororötïnkwa. Okonyïtö ECHOTYON arip ngalechi löwïr cho kimwa. Chama apöghisyechï ompö mïkuliskökwo kïmïkul nko ompö söponwekwo kïmïkul.
Akï möminye ngat korö anka kïrkegh kö awes lö ne nyo tïng kirurut cho pö man le cho kanetakwa asete.
Kinkïtöcha lö karamach Kirurut pö Tororöt ato kïpöghisyeghö le otini mïchinote.
