RUMI 6:5 - PIPÏLIA

⁵ Ompöwölo le otini kikelïkucha akonga nko nyinte ompö meghat nyo lata nyenyi, kelïkunecha akonga tïkwïl nko nyinte ompö kitutunöt nyo lata nyenyi.

RUMI 6:5 ပူးပေါင်းရင်းမြစ်များ

TUMWÖY 92:13

Kïkötkötyini chane Kö pö ECHOTYON, cho pito kiroryo Koto Tororötïncha.

ISAYA 5:2

Kïngas chichay paranay akïwösï koghïn cho kimi pare, akïkatkat sapipun cho pïchighöch. Akïtek kïtar nyo ripsyegho, akïpel wölo kitïgho akweko sapipun. Atolapay kïköngisyö ntökïrïr sapipunechay, wölo kïlö achamcham kïngwonöchitu akwechay.

YEREMIA 2:21

Wölo nyu kyakatkatinyi le sapipu nyo kyokïlchan kegh, sapipïyon nyo pö kösïghyon nyo karam. Kwompö ne nyu tewaghakenanyi inyara, ailïkwï sapipïyonto wuw?

MATAYO 15:13

Kuyokyï Yeso chane lö, “Kïngöghtoy kösïghyon anka tïkwïl nyo ki makatkatnye Paponyan nyo mi yïm.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

2 KORINTO 4:10

Kïkösönecha megha Yeso ompö porwöyicho kïnomnyö, atökïrumteghö tïkwïl söpontanyi porwöyicha.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

KOLOSAY 3:1

Kïkany ato kyotutukwa nko Kristo,* ayarena kong tïkwïn cho mi yïm, wölini mi Kristo kumpuruno ewu tagh nyo pö Tororöt.