RUMI 6:22 - PIPÏLIA

²² Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

RUMI 6:22 ပူးပေါင်းရင်းမြစ်များ

TOWUNÖT 50:17

‘Olenchinö Yosep osoghinyi lö lastena lelutko werkökwo nko ngokikwa ompöwölo kiwunyi ghöyityö.’ Kïsoghecha nyi ye lö lastena lelut pö mötwori Tororöt pö papongu.” Nyini kimwochï Yosep lenyini kïmuny lok kong akïlok.

AYUPU 1:8

Kïtep ECHOTYON lö, “Akesïwenyi mötworintenyan Ayupu nya? Möminye chitö anka nyo kikongityot nko nyinte ompö ngwïny, chi nyo tenate akï pö man, chi nyo konyïtanïn akïripöy kegh tömegh ngokï.”

TUMWÖY 143:12

Ompö chomnyengu nyo pö kokay, pörwante punkachu ainyar pich löwïr cho le pïrï, ompöwölo ochan mötworintengu. Tum pö Daudi.

TUMWÖY 86:2

Irip söpontönyan ompöwölo oghöninyi. Isörwante, ompöwölo ochan mötworintengu nyo ghanate.

TUMWÖY 92:14

Yinu chane akwa, kïrkegh kikïyositu, nyörilöch akïtïng owesyö kïtenö osis.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

DANIEL 3:26

Kïwö Nepukadnesa kïrich kuka mayay ngwan lakat akïlö, “Apkana sany Syadrak nko Mesyak nko Apedneko mötwori Tororöt nyo Töror Tya.” Kïpka sany pïchay lawel ompö mayay.

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

KIYITUT 23:10

Ngo nyo muköy ntökuyit chongïn pö pipö Yakopo? Chang chane nyoman tenö ngayam. Nya ameghan le chi pö man, akïlïkwï sörömunyan le nyo pö chi pö Tororöt.”

MATAYO 13:40

Kïle wölaye kïghömïtïtoy sekut akepel, kïlïku nyoni ompö asispa Söröm,

MATAYO 13:43

Atolapay kulïwï pipö Tororöt le asis ompö Pöyunöto Papongwa. Ato itïng chi yitïn cho ilïmo, ilïm!

MATAYO 19:29

Akwanka tïkwïl nyo köpïstö korichi anta werkökwa anta tipikwa anta kwanta anta kame anta monechi anta parenichi ompö ani, kïnyoru walaka kïnyïl 100 akïnyorï söpon pö kokay.

MATAYO 25:46

Kïrongöy nyu pïchoni kïpa nyarïlpa kokay, wölo petöy chinö pö man söpon pö kokay.”

YOANA 15:16

Kimakïlanïkwanye, kyakïlakwa acherokwa ape atayina akwa cho chang, akwa cho pö kokay. Atökïkonokwa nyu Paponyan kïgh anka tïkwïl nyo osomekwa nyinte ompö kaynenyan.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

YOANA 4:36

Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

YOANA 8:32

ankïtukwa nyu ngala man, atökwighakwa ngalechoni pö man atalïkuna pich cho tyokote.”

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

RUMI 6:18

Kikityakenakwa ngokï atalïkuna sekeyi man.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 7:4

Lenye nyoni tïkwïl ompö akwa tupchenichu, kyomeghyekwa tïkwïl ompö kirurut, ompöwölo ochikwa kareranpa por pö Kristo,* apokwa nyinte nyini kitutunö ngwen, atömanyïl kelïkwï pich cho tïng kinyiwut ompö ighisyo Tororöt.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 7:22

Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

2 KORINTO 3:17

“Echotyon,” ye nyu ompö yete kï Mïkulögh, akï wop anka tïkwïl wölo mi Mïkulöwu Echotyon, kïmi kityakata.

KALATIA 1:10

Omökan chömchin pö pich ye nya anta nyo pö Tororöt? Anta omukyinan oghöy pich kïngörekyö nya? Ntökaghan lenyoni kömelö kötolïkunan mötworinto Kristo.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

EPESO 5:9

ompöwölo löpoyïnoni nyo ighöy pich kwïgh anka tïkwïl nyo karam, nyo tenate akï pö man

PILIPI 1:11

Kinyïghitöy söponwekwa akwa man cho muköy Yeso Kristo nyinte kuyinu ompö ororyö nko salata Tororöt.

PILIPI 4:17

Amolenchï kegh ompöwölo omökan pat otoke konut pö pich, wölo omökan kïtösisyot akwekwa ompö kaplawachtankwa.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

TITO 1:1

Ani Paulö mötworinto Tororöt achï kiyoktoghinto* Yeso Kristo,* nyo kakirï palalyantanï. Kikïkïlanïn akeyoktanïn owö angarak kighanata pipö Tororöt cho le löwönkachi atanet chane ngala man pö ngölyonto Tororöt nko konyït nyo kïkonyïtöy Tororöt,

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

YAKOPO 1:1

Ani Yakopo mötworinto Tororöt nko Echotyon Yeso Kristo,* nyo kakirwakwa atakwesak cho ochï ortïn taman nko odeny cho kyayasta oghömï ngwïny kïmïkul.

1 PETRO 1:9

ompöwölo katakakwa sörunöto mïkuliskökwa nyini le keröto kighanatenkwa.

1 PETRO 2:16

Otïpinö le pich cho tyokote, wölo mopöghisyeghö kityakatengwo awïnga lelutkökwo, wölo otïpinö le mötwori Tororöt.

NGONGUT 7:13

Kïtepanïn akong ompö poyichay lö, “Ngo chï kikilokyï sïro cho koghöch cho relach, akïpkono onö?”