RUMI 6:19 - PIPÏLIA

¹⁹ Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

RUMI 6:19 ပူးပေါင်းရင်းမြစ်များ

LAWIN 13:40

“Ato pech chi möt kïklïku palor, wölo melö ighöy nyoni nyinte kïlïkwï sïmnyon.

MATAYO 4:23

Kiwesteghö nyu Yeso koro Kalilaya kïmïkul kunetotoy pich ompö korikwa pö sowut akwomtoy Lökoy cho Karamach cho pö Pöyunöto Tororöt. Kisopö nyinte pich sömewut nko kichïr anka tïkwïl.

RUMI 15:1

Mïchinecha cho kïchï chïchïmote ompö kighanat kengaraka pikö walaka cho nyörkölöl kumï kïrïnta kömpölelutkökwa, amökeyang kegh opïn.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 7:23

Wölo kosöchan kirurut anka nyo sis kïpöghisïyi ompö orinyan nyo poryegho kirurut nyo kökachaman ante. Akaratanïn nyoni ye alïkwï sekeyonto kirurut pö ngokï cho pöghisïyi ompö portönyan.

RUMI 8:26

Kïlenyenyoni tïkwïl, ngwïnöy Mïkulögh kungörokecha ompö nyörkölelyenyo, ompöwölo mökinkïtöchanye kesoghöy le wölini kömïchinecha kesoghe. Soghwecha Mïkulögh nyinte ompö sönönöto ngwonïn nyo melö kimuköy kemwoghe.

1 KORINTO 5:6

Melö mïchinokwa okwole kegh! Monkïtökwanye so lö kutu mumar cho le tïkwïte pïsya cho chang cho kïmimïghöy kegho makatin?

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

1 KORINTO 9:8

Kamwaghan ngalechï le ptangengmöt so? Mömwoghöcha Kirurut tïkwïl lenyoni so?

KALATIA 3:15

Omökan werköcho, opöghisyeghone körkeyïn nyo kïpöghisyegho kïnomnyö, ato chomnyechï pich odeny ngalekwa akukïniniö ompö kikirut, kïmelö mi chitö anka nyo muköy kïpenyöy anta tas kïgh kikirutchoni.

EPRANIA 12:15

Okil kegh lasiny tömötöp chi anka tïkwïl ntökïchïwïta pöropcho Tororöt. Orip kegh tömakarkegh nko ket nyo ngwan nyo ipu nyörilwok cho chang ködöwichi.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.