18 Kikityakenakwa ngokï atalïkuna sekeyi man.
Ochan mötworintengu, we ECHOTYON, ochan mötworintengu le wölo kilata yonyan kityakanyi pörköy cho kikïratenanïn.
Orïpan kirurutköku ompö machat, ompöwölo itöswaninyi pköchin.
owesteghan wölo puryö tapan nyonikïny, ompöwölo kyanaman kinetutköku.
Heywey, we ECHOTYON Tororötïnyo! Kikïpaytecha pikö walaka, wölo nyi onkït nyo ichï ECHOTYONtencha.
Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.
“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,
ankïtukwa nyu ngala man, atökwighakwa ngalechoni pö man atalïkuna pich cho tyokote.”
Kwato ighakwa Wero Tororöt otyokisyenö, olïkunekwa nyu pich cho tyokote nyoman.
Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.
Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.
Ompöwölo ato kakïma chi, kï ketyaka ompö owesyo ngokï.
Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.
Kïchicha tyokote akï Kristo* nyo ketyakecha! Oghyongö nyu lasiny amakanya ngat kerötyok mïchoki sekeynön.
Otïpinö le pich cho tyokote, wölo mopöghisyeghö kityakatengwo awïnga lelutkökwo, wölo otïpinö le mötwori Tororöt.
