RUMI 6:13 - PIPÏLIA

¹³ Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 6:13 ပူးပေါင်းရင်းမြစ်များ

2 OTÖPTINO OSIS 30:8

Malïkwï ye nyu tighï le wölo kilata papotïnekwa wölo oterchï ECHOTYON, apkan konyi nyo tïlil nyo kikwigh kïtïlilit kokay, apöghisyechï ECHOTYON Tororötïngwo atömanyïl kuyoda kegh nörekyenyi nyï körom le nyï ompöwölo omitekwa.

TUMWÖY 37:30

Ngölonöy kuti chi pö man ngöghomnyö akïmwoghöy ngalyapunyi.

NGÖTÏNYÖ 12:18

Mi chi nyo sortegho cho toröy pich le chok wölo ipu kuti chi nyo ngöghom kisopöt.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ESEKEL 18:4

Arose lö chichan söponwö löwïr, söpon nyo pö papo kïnyinan söpon nyo pö weri kïnyinan, wölo meghöy chi anka tïkwïl nyo ighöy ngokï.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

LUKA 15:24

Ompöwölo kikyoghitön lö kima werïnyan, wölo anyï ye satate akikyoghitön lö, kikupot wölo kakïrumï.’ Kwomisyö pïchay akïngörekyö.

LUKA 15:32

Wölo kömïchecha kengörekyenö aketuronchö, ompöwölo kökikeghitöcha lö kima werïnkwa, wölo satate ye, akikïlentecha kökikupot wölo kikenyorï ye.’ ”

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

RUMI 1:29

Kinyïghï oringwa ghöyityö anka tïkwïl cho lata, nyonyintön nko kiswomöt nko pïrchin nyo gha nko nyïtat nko tïghö nko lïsa nko sastagh.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

RUMI 6:11

Kïlenyoni tïkwïl mïchinokwa, oyitö kegh le pich cho kimeghö ompö ngokï, wölo cho söpchote ompö linyogh nko Tororöt ompö Kristo Yeso.

RUMI 6:16

Ompöwölo monkïtökwanye so lö otini kyotötekwa kegh akwane alïkwï sekey cho oterchini chito anka, kïkalïkukwa sekeyiko chichoni? Nyo ato alïkukwa sekeyi ngokï, kwipkokwa meghat. Kïkany alïkukwa sekeyi terchin pö Tororöt, keyityinokwa nyu man ompö tawunyi.

RUMI 6:19

Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

RUMI 7:23

Wölo kosöchan kirurut anka nyo sis kïpöghisïyi ompö orinyan nyo poryegho kirurut nyo kökachaman ante. Akaratanïn nyoni ye alïkwï sekeyonto kirurut pö ngokï cho pöghisïyi ompö portönyan.

RUMI 7:5

Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

1 KORINTO 6:15

Monkïtökwanye lö ngichayayi por pö Kristo porwöyikwa? Ononekwa nyu lö omukan ogh kareranpa por pö Kristo kïlïkwï kareranpa por pö chepkartayan? Puryö!

1 KORINTO 6:20

Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

1 KORINTO 6:9

Anta monkïtökwanye lö mönyorucha pich cho ghach Pöyunöto Tororöt? Malïs kegh! Melö nyoru Pöyunöto Tororöt pich cho le cheporesay anta cho soghöy körkeyïntin anta ptakalis anta kalomök

2 KORINTO 10:4

Ompöwölo, melö pö karicha cho kïporyegho, poryo ngwïnyinï, wölo owesyo Tororöt nyo wuröy nïyet cho ongeröch.

2 KORINTO 5:14

Ompöwölo pöywecha chomnyo Kristo otï le ye kakenkïtucha lö kimegha chi akong pich löwïr, poru nyu nyoni lö kakupar pich tïkwïl meghenyi.

2 KORINTO 5:15

Kimegha nyinte pich löwïr atökumï pich cho söpsot kïtagh kukön söpontöngwa kegh, wölo tökutwayta kegh Yeso nyo kima akututï ompö chane.

2 KORINTO 8:5

amelö kikikönecha lö ighöy chane kïgh nyo lata nyoni wölo kinya chane kutö kegh Echotyon akïkonecha kegh tïkwïl, kïrïp kegh nko machata Tororöt.

EPESO 2:5

nyo kïrkegh otini kitökechicha pich cho kimeghö ompö ngokicho, kwighecha nyinte kesöpchenö nko Kristo.* Kikïsörwokwa ompö pöropcho Tororöt,

EPESO 5:14

ompöwölo ighöy löpöyïn kïgh anka tïkwïl kïrumï. Nka nyay mwoghöy Kikirut lö, “Chïkana, nyi nyo irïwöy, aitutunö ngwen, atökulïwchin Kristo!”

KINONO KIRURUT 25:16

Ghöchini ECHOTYON chi anka tïkwïl nyo ighöy lenyoni.

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

KOLOSAY 2:13

Kyochikwa pich cho kimeghö ato kile tagh ompö ngokikwa ompöwölo kyochikwa pipö punton cho kimelö kitïng kirurut, pö Tororöt, wölo keghakwa Tororöt ye onyoru söpon nko Kristo. Kilöstowecha Tororöt ngokicho löwïr,

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

2 TESALONIKE 2:12

atökurwokyï asïyech Tororöt pich löwïr cho kimeghancha ngala man, ompöwölo kingörekyï chane ngokï.

2 TIMOTEO 2:15

Inoghyö lasiny tökïcham Tororöt pöghisyengu ailïkwï, chi nyo mötïngnye lolïyönöte ompö pöghisyenyi akï chi nyo netöy ngölyonto Tororöt kuten.

YAKOPO 4:1

Ekï pkono onö köny poryewut nko syölutchï mi kwenunkwa? Möpkonocha so pïrchinoghtinekwa cho ghach cho poryot ompö orinkwa chik?

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 4:2

Kïlenyona nyu ye mïchinokwa, ompö osiswekwa cho köngötï ompö ngwïnyinï otïpinö kïrïp kegh nko machata Tororöt, amelö kïrïp kegh nko pïrchin pö ptangengmöt.

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.