RUMI 6:12 - PIPÏLIA

¹² Kïlenyona, macham kïpayta ngokï porwöyikwo cho wonyot ntoterchikwa pïrchinoghtinechi.

RUMI 6:12 ပူးပေါင်းရင်းမြစ်များ

TOWUNÖT 4:7

Ntökeghanyi nyo karam, kötö kïtokinyi. Wölo ato ighenyi nyo gha, kïmito ngokï kukat kusyepinyi. Pïrchini kïpöytoninyi, wölo mïchini rïntenanyi.”

TUMWÖY 119:133

Namante tömapït, kïrïp kegh nko kiyomisötengu amepïsyï ghöyityö kïpaytanïn.

TUMWÖY 19:13

Ilowitante ompö ngoki kwötyin, amepïsyï kïpaytanïn ngokichoni. Atamukan nyu alïkwï chi nyo tenate aketyakan ompö ngokï cho ghach.

LAWIN 13:40

“Ato pech chi möt kïklïku palor, wölo melö ighöy nyoni nyinte kïlïkwï sïmnyon.

KIYITUT 33:55

Wölo atomayonakwanye pich löwïr cho möngöy korononi, kïkonekwa cho ngötu kömpölelyö le wïtan cho mi konyikwa anta kato cho mi porwöyikwa, konokwa kömpölelyö ompö korononi omöngekwa.

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 2:8

Wölo nyoru sito Tororöt pich cho yongöy kegh opïn, cho melö konyïtöy man wölo chömöy kwighöy cho merokonye.

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

RUMI 6:16

Ompöwölo monkïtökwanye so lö otini kyotötekwa kegh akwane alïkwï sekey cho oterchini chito anka, kïkalïkukwa sekeyiko chichoni? Nyo ato alïkukwa sekeyi ngokï, kwipkokwa meghat. Kïkany alïkukwa sekeyi terchin pö Tororöt, keyityinokwa nyu man ompö tawunyi.

RUMI 8:11

Ato mi orinkwa Mïkulöwu Tororöt nyo kigh Yeso kututunö ngwen, kwighöy Tororötnoni kigh Kristo Yeso kututunö ngwen porwöyikwa kïsöpchö, ompö Mïkulöwunoni mi orinkwa.

RUMI 8:13

Ompöwölo ato omöngisyekwa kïrïp kegh nko mökutko porwöyikwa, omeghyonekwa, wölo ato arïpakwa cho Mïkulögh otïghekwa ighisyewutkökwo cho ghach asöpchö.

2 KORINTO 4:11

Kïmitecha tapanpa meghat ompöwölo kighönecha Yeso kïnomnyö, atökumï söpontanyi tïkwïl kïrumteghö porwöyicha cho wonyot.

2 KORINTO 5:4

Kingerötyocha otete tökemitenö otöpnete pö por ompö pïröto pich amelö ompöwölo kïmökecha kechengenech portönyo nyï meghöy, wölo kïmökecha kelokwecha por nyo melö wïröy atökïnyïkwïda söpon kïyoni meghöy.

KALATIA 5:16

Omwoghan nyu lö, opïsinö Mïkulögh kïpaytakwa amarïpa ngat möchut pö por.

KALATIA 5:24

Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.

EPESO 2:3

Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.

EPESO 4:22

Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

KINONO KIRURUT 7:2

Otini ketö ECHOTYON Tororötïnkwa chane morikwa apar chane kuwonyö lömïs. Mam mis nko chane amotöp ntosyonchï.

1 TESALONIKE 4:5

amelö ompö pïrchinogh pö por nyo gha le wölo lata puntoni walaka cho menkïtcha Tororöt.

2 TIMOTEO 2:22

Imala kegh pïrchin pö naran, ainoghyö irïp ngala man nko kighanat nko chomnyogh nko kalya. Igha lenyoni ainomnyotö nko pich cho kuröy Echotyon otini somöy kingarakat ompö mïkulögh nyo karam.

TITO 2:12

Netecha pöropchonï kepïstenö otöp nyo mökonyïtönye Tororöt nko möchut pö ngwïnyinï, atöketïpinö ompö or nyo konyïtöy Tororöt ompö ngwïnyinï pö ye,

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 PETRO 1:14

Oterchinö Tororöt le monïng cho tïng terchin amoyokyinö kegh ngat ara pïrchin cho kipö tagh atanya kitochikwa sölwöy.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

YUDA 1:18

Kimwowokwa lö, “Chumu pich osiswo söröm cho nyernyerenekwa akï pich cho rïpöy pïrchintinekwa cho mökonyïtönye Tororöt.”

KIRWOKÏ 2:3

Nyo omwowokwa lö melö toyonan ye nyu pïchoni kïpegha tawunkwa, wölo opïsinan chane koronete atö kïlïkwï pungkökwa, akïlïkwï tororötinekwa ngöghöp ompö akwa.”