RUMI 6:11 - PIPÏLIA

¹¹ Kïlenyoni tïkwïl mïchinokwa, oyitö kegh le pich cho kimeghö ompö ngokï, wölo cho söpchote ompö linyogh nko Tororöt ompö Kristo Yeso.

RUMI 6:11 ပူးပေါင်းရင်းမြစ်များ

YOANA 20:31

Wölo kakikir ngalechete atamukakwa aghana lö, Yeso kï Kristo* Wero Tororöt, akwoto aghanakwa, osïkekwa söpon ompö kaynenyi.

RUMI 16:27

Nya kïpöyit ororyö Tororöt kokay nko kokay, nyinte onkït nyo pköchini kïgh anka tïkwïl, ompö Yeso Kristo. Amen.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

RUMI 6:10

Kima nyinte megha ngokï kïnyïl akonga akumuchö, wölo möngisïyi nyinte ye ompö linyogh nko Tororöt.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 6:2

Ewo kokay! Ompö ngala ngokï kïlatecha pich cho kimeghö, kimukecha nyu lö, ne kelete tagh keghe ngokï?

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

RUMI 7:4

Lenye nyoni tïkwïl ompö akwa tupchenichu, kyomeghyekwa tïkwïl ompö kirurut, ompöwölo ochikwa kareranpa por pö Kristo,* apokwa nyinte nyini kitutunö ngwen, atömanyïl kelïkwï pich cho tïng kinyiwut ompö ighisyo Tororöt.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

RUMI 8:18

Moyitanye lö, kïgh kiwongunötö nyo pö ye ato kikongityö nko ororyö nyo tökïsis kengongwecha.

1 KORINTO 6:20

Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

PILIPI 1:11

Kinyïghitöy söponwekwa akwa man cho muköy Yeso Kristo nyinte kuyinu ompö ororyö nko salata Tororöt.

PILIPI 4:7

Komönöy nyu kalya Tororöt, nyo tïlöy pköchin anka tïkwïl nyo pö ptangengmöt, mïkuliskökwa nko kinonutkökwa ompö Kristo* Yeso.

KOLOSAY 2:20

Ato kyomeghekwa nko Kristo aketyakenakwa paytaghpa mïkulis cho mi wölnö le mïröt, kwompö ne tomöngisyenökwa le ato tochikwa pipö ngwïnyinï? Akwompö ne torïpekwa kirurutchay lentöy,

KOLOSAY 3:17

Akï kïgh anka tïkwïl nyo oghekwa anta nyo omwoghekwa kïmïchini agha ompö kaynata Echotyon Yeso, ayokyï sörö Tororöt Papo ompö nyinte.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.