RUMI 5:8 - PIPÏLIA

⁸ Wölo kikuporwecha Tororöt lö chömecha nyinte nyoman, ompöwölo kima Kristo ompö acha, otini kitökechicha mwokïyis!

RUMI 5:8 ပူးပေါင်းရင်းမြစ်များ

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

YOANA 15:13

Möminye chomnyogh nyo wow kïsir chomnyogh nyo tötoy chi söpontanyi ompö kongotichi.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

RUMI 4:25

Kikonï Tororöt Kristo* kungwïn kïma ompö ngokicha akututï nyinte atökeyitwecha man.

RUMI 5:20

Kikïkonï kirurut atökïtasa penyata kirurutchay. Wölo otini kïtas pich tya kwigh ngokï, kïtasa ompö tya pöropcho Tororöt ompö pich!

RUMI 5:6

Ompöwölo otini kitökechicha pich cho nyörkölöl, kïma Kristo ompö acha mwokïyis ompö pöroyïntanyi nyo kikïl Tororöt.

RUMI 5:7

Kampalal kïma chi ompö chi pö man, wölo töptoy muköy chi kumukyini kïma ompö chi nyo karam mu.

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

RUMI 8:39

anta koros cho mi yïm tya anta cho mi ngwïny wölporö. Möminye kïgh anka tïkwïl nyo kikigh nyo muköy kupesyecha nka chomnyo Tororöt nyo kökïnyorucha ompö Kristo Yeso Echotyontenyo.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

1 TIMOTEO 1:16

Wölo kisyonchanïn Tororöt atökuporï Kristo Yeso mïkukönötenyi nyo wow ompö ani, nyo ochï mwokïyon nyo gha kïsir. Lïku nyoni körkeyïn nyo pö pich lapay cho ghönöy nyinte ato le asïyech atökïtach söpon pö kokay.

EPRANIA 8:3

Kïkïlöy Tïsin anka tïkwïl nyo Wow atökutö Tororöt ropöw nko kyak cho kïpelchini nyinte kïlïkwï amörostin. Kïlenyoni tïkwïl ompö Tïsintencha nyo Wow, mïchini nyu kïtïng nyinte kïgh nyo roptoy.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 3:16

Kinkïtöcha chomnyogh lö ne, ompöwölo kitötö Kristo söpontanyi ompö parakuncha. Kïlenyona, mïchinecha tïkwïl ketötenö söponwecha ompö tupchenyo.