RUMI 4:5 - PIPÏLIA

⁵ Wölo chi nyo twoytoy kegh kighanatenyi amelö ighisyewutkachi akughan Tororöt nyo löstoghchini mwokïyis, kï konyïtöy Tororöt kighanatenyi akuyityï man ompö tawunyi.

RUMI 4:5 ပူးပေါင်းရင်းမြစ်များ

APAKUK 2:4

Akwanyï ngölyontononi, melö ngötu mwokïyis, wölo söpchot pich cho ghönöy Tororöt ompö kighanatengwa.

MARKO 9:23

Kïlenchï Yeso, “Ato ighönenyi! Kumukisyot tïkwïn lapay ompö chi nyo ghönöy.”

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

YOANA 6:29

Kuyokyï Yeso chane lö, “Anyï ighisyö nyo möchokwa Tororöt oghe: aghanakwa chichoni kiyokyï nyinte.”

RUMI 10:3

Ompöwölo möpköchïcha chane ara Tororöt nyo yityinegho pich man ompö tawunyi, wölo kumukyï chane kïyar arengwa anka kilenyona kimökïchamcha kïrïp ara Tororöt nyo yityinegho pich man.

RUMI 3:22

Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

RUMI 4:24

wölo ngölono parakuncha tïkwïl, acha cho kikeyitwech man, ompöwölo kighönecha Tororöt nyo kingetunö Echotyontenyo Yeso ngwen.

RUMI 4:3

Ompöwölo mwoghöy Kikirut lö, “Kighan Apraam Tororöt, akwompö kighanatenyi nyoni kuyityï Tororöt nyinte man ompö tawunyi.”

RUMI 4:6

Nka nyoni ngölyontonay kimwa Daudi ato kingalana ngörekyo chi nyo yityini Tororöt man amelö ompö ighisyewut lö,

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

YOSWÖ 24:2

Atolapay kïlenchï Yoswö pïchay löwïr, “Lentöy ECHOTYON Tororöt pö Israel, ‘Kimöngöy könyisyok papotïnekwa Tera papoto Apraam nko Naor, lalwa Yuparet antakwagh, akipöghisyechini tororötin walaka.