RUMI 4:15 - PIPÏLIA

¹⁵ Ipu kirurut nörekyo Tororöt, wölo ntökömökïmicha kirurut kötömökïmicha kirurut cho kïpenyöy.

RUMI 4:15 ပူးပေါင်းရင်းမြစ်များ

2 PÖYTOGHÏ 22:13

“Wïyö lïkuna kutinyan nko nyo pö pipö Yuda aitepï ECHOTYON kïgh nyo poru ngalechï mi kitapunï. Narekate ECHOTYON ompö acha ompöwölo kitagh papotïnecha kwigh le nyï mwoghöy kitapunï.”

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

LOK 2:22

Kikurönyi pungköchan kïpka kïporyeghenanïn kipka le pich cho tuyechini omisyo akor Puryö chi nyo le ompö akonga nyo chïwïtöy ompö asisoni pö nörekyengu. Kipar pungköchan monechan, monïng cho kyanaman kïmïnkech.

ESEKEL 7:19

Lösyini ropïyenikwa ortïna kanasyan, akïkarkegh koltinekwa nko kïgh nyo le sïmnyon. Ompöwölo memukönye ropïyenikwa nko koltinekwa tökïsörï chane ompö asispa nörekyo ECHOTYON amemukönye tökwam kïpïghyö mutïnekwa nyonikïny, ompöwölo kilïkwï ngokikwa mïsïk ompö chane.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

KIYITUT 32:14

Anyï ye kamachakwa arïpa ngaleko papotïnekwa, pïnï pö pich cho le mwokïyis cho mököy kwipchini nörekyo ECHOTYON pipö Israel ngat!

YOANA 15:22

Ntökimangwïnanye angalan nko chane, kitömötïngcha ngokï, wölo mötïngcha kïgh otï le ye nyo tyoko kegh ompö ngokikwa.

YOANA 3:36

Tïngeto söpon pö kokay, chi nyo ghönöy Wero Tororöt wölo mösïwïyinye söpon nyo möterchininye Wero Tororöt ngalechi, poto nörekyo Tororöt nyo töpo parakunyi kokay.”

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

RUMI 5:13

Kimi ngokï ngwïny kïtomö kïkonï Tororöt kirurut cho kitö Musa, wölo melö kiyitöy lö kegh chi ngokï ato mömicha kirurut.

1 KORINTO 15:56

Nyoruno meghat owesyenyi nyo rïmo pich ngokï, kïnyoruno ngokï owesyenyi kirurut.

KALATIA 3:10

Wölo chïpote chane tïkwïl cho körtegho kegh ighisyewut pö kirurut. Ompöwölo mwoghöy Kikirut lö, “Kïchïpöy chi anka tïkwïl nyo mörïpönye akwigh tïkwïn löwïr cho kikikir kitapu Kirurut.”*

KALATIA 3:19

Ki ne nyu cheröto kirurut? Kikïtas atökuporï lö ne penyata tökïtenö kwitï yïyononi pö Apraam kikitö kiyomisötononi. Ki malayken cho kipï kirurut ngwïny kuwerï chi nyo kilïkwï kituyoghin.

EPESO 5:6

Makany kïlïsenak chi ngal cho pö kwïle, ompöwölo nyoru pich cho le penyï nörekyo Tororöt ompö ngal cho lata choni. Kïlenyona

KOLOSAY 3:6

Chumchini pich cho le penyï sïngiryo Tororöt.

1 YOANA 3:4

Anka tïkwïl nyo ighöy ngokï, kï penyinto Kirurut pö Tororöt, ompöwölo ngokï kï penyata kirurut.

NGONGUT 19:15

Kichumuna kutinyi chok nyo ngatip nyo kipöghisyeghö kirïnta pipö koros. Pöytoy nyinte chane ompö köromnyö akïpïröy pögho sapipun ompö wölo kïpïro dipay* cho pö nörekyo Tororöt Kimuktoghin.