RUMI 3:31 - PIPÏLIA

³¹ Ekuporu ye nyoni lö kikemötecha kirurut ompö kighanatengwa? Ewo, puryö, nyo kötökïmötonecha, kepïlilacha kirurut.

RUMI 3:31 ပူးပေါင်းရင်းမြစ်များ

TUMWÖY 119:126

Asete kwasis nyo ighenyi kïgh, we ECHOTYON ompöwölo kenyar pich kirurutköku.

TUMWÖY 40:8

Ongörökan agh machatengu, we Tororötïnyu, okomönchinan mïkulöwunyu kïmïkul kirurutköku.”

ISAYA 42:21

ECHOTYON kï Tororöt nyo mököy kösörwokwa, nka nyoni kikus kirurutkachi nko kinetutkachi, akomököy nyinte pikachi kïkonyïtöy.

MATAYO 15:6

Kïmökurokonye kïkonyït kwanta ngat, lenye nyoni wölo osöstokwa ngölyonto Tororöt atarïpa kinetutkökwo akwane.

MATAYO 3:15

Wölo kuyokyï Yeso lö, “Chamanyi ye lenyoni, ompöwölo mïchinecha kepuntenö man anka tïkwïl lenyoni.” Kïcham nyu Yoana.

MATAYO 5:17

“Molenchï kegh kyangwïnan anategha Kirurut pö Musa anta kinetut pö werkoy. Mangwïnanye anategha, wölo kyangwïnan agh kïpïntö kinetutkökwa.

MATAYO 5:20

Ompöwölo omwowokwa lö, momukekwanye ntolït Pöyunöto Yïm ato matïlnye kighanatenkwa nyo pö koneti kirurut nko nyo pö Parisaytin.*

LUKA 20:16

Nyomwowok, ngwïnöy kïpöröy chane akutö pikö walaka kïngor pareto sapipun.” Nyini kilïm chane ngalechoni kïlö, “Purörö! Nya kïkïr yïmö meghisyö choni!”

RUMI 10:4

Ompöwölo kingwïn Kristo* ighisyo kirurut, atökeyityï chi anka tïkwïl nyo ghönöy man ompö tawu Tororöt.

RUMI 2:20

aichinyi tïkwïl kirurinto pich cho menkïtnye kïgh, cho tomönye kïpköchï ngala ompöwölo itïngetenyi ngöghomnyo man lö döng ompö kirurut

RUMI 3:4

Ewo kokay! Mwoghöy Tororöt man osis tïkwïl kïrkegh kö putin ptangengmöt. Le wölo mwoghtoy Kikirut lö, “Pö man ngaleku otini ingölonenyi, ailotisïyenyi ato kirwokunyi.”

RUMI 3:6

Ewo! Ntökömelö ighöy man Tororöt köterwokyini nyu ngwïny lö ne?

RUMI 4:14

Ompöwölo ntökökitöni kiyomisut pö Tororöt pich cho rïpöy kirurut opïn, tömelö kïgh kighanata, akömökïtïngnye kinyiwut nyonikïny kiyomisöto Tororöt.

RUMI 7:22

Ngörökyini mïkulöwunyan kïmïkul Kirurut pö Tororöt.

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 8:4

Kigh Tororöt lenyoni atömanyïl kwitïta lasiny möchut pö Kirurut cho pö man ompö orincha, cho kïpestoy mïkulögh amelö ompö asïl pö ptangengmöt.

1 KORINTO 9:21

Kïkany ompö pich cho lowöch nko kirurut, otöpan nko chane le chi nyo lowö kirurut atamuk otyï pïchoni lowö kirurut. Wölo meporunye nyoni lö motïngetanye Kirurut pö Tororöt, nyoman omitan ngwïnyi kirurut pö Kristo atömanyïl otyï chane cho mi sanypa kirurut.

KALATIA 2:19

Ompöwölo kyameghan ompö kirurut. Kirurutchoni cho kiparanïn atömanyïl osöpön ompö Tororöt.

KALATIA 2:21

Mochömanye otöghöy pöropcho Tororöt, ompöwölo ntökitenöy chi nko Tororöt ompö kirurut, kï kima nyu Kristo kwïle!