RUMI 3:29 - PIPÏLIA

²⁹ Anta yeno, Tororöt ataye kï Tororöt pö pipö Yaudi opïn nya? Mö Tororötnye so nyo pö pipö punton tïkwïl? Ay, pö punton tïkwïl.

RUMI 3:29 ပူးပေါင်းရင်းမြစ်များ

TOWUNÖT 17:18

Kïtep Apraam Tororöt lö, “Ompö ne tömeghanyi Ismael kïmïlanïn?”

TUMWÖY 22:7

Ngemanïn pich löwïr cho sïwïyanïn akunkölchinanïn, akupirpiröy mötöwekwa.

TUMWÖY 67:2

nya kïrumtö machatengu ompö ngwïny nko sörunötengu ompö punton löwïr.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 22:32

Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

IGHISYEWUT 10:34

Kutor Petro kïngalan lö, “Köpköchanïn ye nyu nyoman lö, möchömönye Tororöt walaka kïtagh walaka.

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

IGHISYEWUT 26:17

Osörunoninyi pipö Israel nko pipö punton, chini oyonchininyi.

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

KALATIA 3:14

Kigh Kristo lenyoni atömanyïl ketö pipö punton kisoyönöto Tororöt nyo kiyomisyï nyinte Apraam ompö ara Kristo Yeso atömanyïl ketakacha Mïkulöwunoni kiyomisï Tororöt ompö ara kighanat.

EPESO 3:6

Nka nyoni kinyorï pipö punton tïkwïl karerantangwa nyo pö kisoyönöto Tororöt le pipö Yaudi kuwerï amtaghta Lökoy cho Karamach, ngichayay chane cho pö porini le akonga. Akï ghömtoy chane kiyomisötonini le akonga kigh Tororöt kuwerï Kristo Yeso.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.