RUMI 3:28 - PIPÏLIA

²⁸ Kakïsïwecha ye nyu lö kiyityini chi man ompöwölo mi Tororöt ompö ara kighanat kïpoto amelö ompöwölo karïp nyinte kirurut.

RUMI 3:28 ပူးပေါင်းရင်းမြစ်များ

YOANA 5:24

“Amwowokwa nyoman lö anka tïkwïl nyo lïmöy ngalechan akughan nyinte nyo kiyokwanïn, kïtïng söpon pö kokay. Melö kirwokyini nyinte, wölo kakïngetunö meghat akïlït söpon.

YOANA 6:40

Ompöwölo mököy Paponyan lö tösïch pich löwïr söpon pö kokay cho sïwïyi Wero Tororöt akughan nyinte ataghan chane kututu asispa söröm.”

RUMI 3:26

Wölo ye, ompö osiswechete, rwokini Tororöt ngoki ptangengmöt atokïrumï lö pö man nyinte akuyityini man chi anka tïkwïl nyo ghönöy Yeso.

RUMI 4:5

Wölo chi nyo twoytoy kegh kighanatenyi amelö ighisyewutkachi akughan Tororöt nyo löstoghchini mwokïyis, kï konyïtöy Tororöt kighanatenyi akuyityï man ompö tawunyi.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 3:24

Kïpaytecha nyu kirurut tökïtenö kwitï Kristo atömanyïl keyitwech man ompö tawu Tororöt ompö kighanat.

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

EPESO 2:9

melö ompö ighisyewut atömötöp chi anka tïkwïl tökïkwol kegh.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

YAKOPO 2:18

Wölo muköy chitö anka kïmwa lö, “Itïngetenyi kighanat, otïngetan ighisyewut,” Oyokchinan chi nyo mwoghöy lenyoni lö, “Porwante kighanatengu nyoni puryö ighisyewut, atoporun kighanatenyan ompö ighisyewutköchan.”

YAKOPO 2:20

Wechï ichinyi sölwö! Imökenyi keporunyi so lö, möminye kïgh nyo nyiwu kighanat nyo puryö ighisyewut?

YAKOPO 2:24

Kasïwekwa ye nyu lö kiyityini chi man ompö tawu Tororöt ompö ighisyewutkachi amelö ompö kighanatenyi onkït.