RUMI 3:27 - PIPÏLIA

²⁷ Kïlenyona, kïgh ne nyo kimukecha kekwolone kegh nya? Puryö kïgh nyonikïny! Ekwompö ne köny? Ompöwölo so kakïrïpacha kirurut? Ewo, wölo ompöwölo kakighacha Yeso Kristo.

RUMI 3:27 ပူးပေါင်းရင်းမြစ်များ

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

MARKO 16:16

Chichona ghönöy akepatisan kesöru akï nyo meghönönye kerwokyini.

YOANA 3:36

Tïngeto söpon pö kokay, chi nyo ghönöy Wero Tororöt wölo mösïwïyinye söpon nyo möterchininye Wero Tororöt ngalechi, poto nörekyo Tororöt nyo töpo parakunyi kokay.”

RUMI 10:5

Kikir Musa akuporï or nyo kiyityinegho pich Tororöt man ato rïp kirurut lö, “Söpöy chi anka tïkwïl nyo rïpöy akwigh lenyini mwoghöy kirurut.”

RUMI 11:6

Kikïl Tororöt pïchoni kïrïp kegh nko pöropchenyi amelö ompö ighisyewutkökwa. Ompöwölo ntökikïl kïrïp kegh nko ighisyewut pö ptangengmöt kötömelö lïku pöropchenyi pöropchö ngat.

RUMI 2:17

Ekï nyi nyu nyo ikuro kegh chi pö Yaudi aimontonyi kegh kirurut aikwolo kegh Tororöt

RUMI 2:23

Ikwolenyi kegh lö onkït Kirurut pö Tororöt, eipchinenyi arasï Tororöt otini ipenyenyi kirurutkachi?

RUMI 3:19

Kinkïtöcha ye nyu lö, kïgh anka tïkwïl nyo mwoghöy kirurut, kïmwoghöy ompö pich cho mi paytaghpa kirurut atömömi wölo ghöpöno chi asïyech akurwokini Tororöt ngwïny kïmïkul.

RUMI 3:26

Wölo ye, ompö osiswechete, rwokini Tororöt ngoki ptangengmöt atokïrumï lö pö man nyinte akuyityini man chi anka tïkwïl nyo ghönöy Yeso.

RUMI 4:2

Ntökile nyo kikiyityï man ompö tawu Tororöt ompö ighisyewutkachi, kötötïng kïgh nyo kwolo kegh. Wölo kimöminye wölo kimuköy kwigh lenyoni ompö tawu Tororöt.

RUMI 7:21

Kïlenyona, köpköchanïn nyu kïgh nyo mi kwigho ompö orinyan, nyo kötoghan kïgh nyo karam, olan olö kyaghan kiyay gha.

RUMI 7:23

Wölo kosöchan kirurut anka nyo sis kïpöghisïyi ompö orinyan nyo poryegho kirurut nyo kökachaman ante. Akaratanïn nyoni ye alïkwï sekeyonto kirurut pö ngokï cho pöghisïyi ompö portönyan.

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

RUMI 9:11

Wölo tökïrumtö lasiny lö, ki Tororöt nyinte kegh nyo kikïl weri akonga kitomö keyï monechoni le sala, akitomöcha kwigh chane kïgh nyo karam anta nyo gha, atömanyïl kïrumtö lö, Tororöt nyinte kikïl ompö machatenyi nyo amelö ompö ighisyewut pö ptangengmöt,

RUMI 9:31

Otini wölo mönyorïcha ore pipö Israel cho kïsökosöy kirurut cho ighöy chane keyityï man ompö tawu Tororöt.

RUMI 9:32

Ekwompö ne köny tömönyorï? Ompöwölo kitwayta kegh chane ighisyewutkökwa nyo kötetwochto kegh kighanat. Kupïtyeghö nyu chane koghay pïtyegho pich,

1 KORINTO 4:7

Ngo nyo keghinyi wowitunenö pikö walaka nya? Melö so Tororöt nyo kikoninyi tïkuchoni löwïr itïngetenyi? Ato lenye nyoni, kwompö ne tekwolenyi kegh le ato melö ropöw tïkuchoni itïngetenyi?

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 3:22

Wölo mölechachoni, ompöwölo kakïmwowï Kikirut lö, mi ngwïnya kïmïkul pöyunöto ngokï atömanyïl ketö pich cho ghönöy Yeso Kristo ropöwontononi kikiyomisï chane.