23 ompöwölo kikwigh pich löwïr ngokï akïrörchï ororyo Tororöt.
Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.
“Kïkany ato iwunyi piköku ngokï, ompöwölo möminye chi nyo meghöy ngokï, ainarekanyi aipïsyï pungkökwa kïpar chane akïnam, kïrany kïlïkwï pïnot ompö kor pungkökwa, kïrkegh kö low anta kö lekït,
Möminye chi pö man ngwïny nyo ighöy nyo karam amegh ngokï.
Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.
Ompöwölo körötyï Tororöt pich löwïr tighintönengwa atökusyonchï nyinte chane löwïr.
Kinkïtöcha ye nyu lö, kïgh anka tïkwïl nyo mwoghöy kirurut, kïmwoghöy ompö pich cho mi paytaghpa kirurut atömömi wölo ghöpöno chi asïyech akurwokini Tororöt ngwïny kïmïkul.
Akï yeo, kichïcha so karamach pipö Yaudi kïtïl pipö punton? Ewo, nyonikïny! Ompöwölo kanyaghan oporï lö, karkegh pipö Yaudi nko pipö Punton, pöytoy chane ngokï.
Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.
Wölo mölechachoni, ompöwölo kakïmwowï Kikirut lö, mi ngwïnya kïmïkul pöyunöto ngokï atömanyïl ketö pich cho ghönöy Yeso Kristo ropöwontononi kikiyomisï chane.
Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.
Kikurokwa Tororöt ompö aranoni ompö ara Lökoy cho Karamach cho kyalïmekwa acha. Kikurokwa nyinte atosïkö kiparat nyo pö töroryo Echotyontenyo Yeso Kristo.
Kïlenyona nyu kewagha, otete tökïmi kiyomisötö nyo kïlïto kimïnytanyi, atömötöp chi anka tïkwïl ompö akwa ntökïrörchï pöroyïn nyo nyoruno kiyomisötononi pö kimïny.
Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.
Omökan ye nyu osomöy kïgh poyi kanisen, ani nyo ochï poyon le chane achï söwinto kiwongunöto Kristo* akï nyo oporöy nko nyinte ororyenyi nyo tökengongu asïyech. Osomokwa lö,
Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.
