RUMI 3:22 - PIPÏLIA

²² Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

RUMI 3:22 ပူးပေါင်းရင်းမြစ်များ

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

LUKA 15:22

Wölo kïkur kwanta mötworichi akïlenchï, ‘Opunö lawel sïra nyo pïchigh alokyï nyinte. Atolapay otö kaymorïs morïnenyi alokyï kwegh

IGHISYEWUT 11:12

Kïlenchanïn Mïkulögh nyo Tïlil, ‘Wïyö nko chane, ametomtomön, nyonikïny.’ Kepecha tïkwïl nko kighönichoni pkono Yopa le mut nko akonga wölini le Kaysaria, kepecha tïkwïl ntöket köyoni pö chichoni.

IGHISYEWUT 15:9

Akimatarechanye kesisituna nko chane. Kilöstoghchï chane ngokikwa ompöwölo kighan.

IGHISYEWUT 3:16

Kaynata Yeso nko kighanat nyo mi kaynatanoni nyini kegh chichï osïwïyekwa, ankïtökwa kï chïchïm. Kighanat ompö Yeso nyini kesop chichi lö chïkïl le otini osïwïyekwa ye tïkwïl.

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 10:4

Ompöwölo kingwïn Kristo* ighisyo kirurut, atökeyityï chi anka tïkwïl nyo ghönöy man ompö tawu Tororöt.

RUMI 2:1

Ato irwokyinenyi pikö walaka, möminye wölo ichïwïtonyi nyinte tïkwïl, kïrkegh kechï ngo. Ompöwölo otini irwokyinenyi pikö walaka aimitenyi ighöy tïkwïl tïkuchoni ighöy chane, imitenyi irötöy kegh nyinte.

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

RUMI 4:16

Nka nyoni chïchïmo kiyomisötö paraku kighanat, atökumï kiyomisötö kïtighö kegh pöropcho Tororöt atökukïniniechï pipö ara Apraam löwïr, amelö pat ompö cho rïpöy kirurut opïn, wölo ompö chona ghonöy Tororöt kïle wölo kighan Apraam. Ompöwölo paponcha nyinte löwïr ompö ara mïkulögh.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

RUMI 9:30

Kïmwoghecha ne nyu nya? Könyorï pipö punton or nyo kiyityini man, ompö ara kighanat kïrkegh kimöyongöcha.

1 KORINTO 12:13

Ompöwölo ato kakïchicha pipö Yaudi anta pipö punton anta sekey anta cho tyokote, kïkakepatisanecha löwïr ompö Mïkulöwunoni le akonga, kelïkwï por akonga, akakekonecha löwïr keghegha Mïkulöwunoni le akonga.

1 KORINTO 4:7

Ngo nyo keghinyi wowitunenö pikö walaka nya? Melö so Tororöt nyo kikoninyi tïkuchoni löwïr itïngetenyi? Ato lenye nyoni, kwompö ne tekwolenyi kegh le ato melö ropöw tïkuchoni itïngetenyi?

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

KALATIA 3:22

Wölo mölechachoni, ompöwölo kakïmwowï Kikirut lö, mi ngwïnya kïmïkul pöyunöto ngokï atömanyïl ketö pich cho ghönöy Yeso Kristo ropöwontononi kikiyomisï chane.

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

YAKOPO 2:23

akïpïntö Kikirut nyo lentöy, “Kighan Apraam Tororöt, akwompö kighanatenyi nyoni, kumuka keyit nyinte lö chi pö man.” Kïlenyona kikïkur Apraam lö kongo Tororöt.