RUMI 2:9 - PIPÏLIA

⁹ Nyoru pich löwïr cho ighöy ghöyityö nyarïl nko ngwonïn, akutoro pipö Yaudi kïrïpöy pipö punton tïkwïl.

RUMI 2:9 ပူးပေါင်းရင်းမြစ်များ

2 OTÖPTINO OSIS 6:23

Teranyi ompö yïm aigh, airwokyï mötworiku. Tönö chi sitenyi kïrïp kegh nko lelutyenyi, ipïstö nyinö puryö lelut kïwö nyo karam, kïrïp kegh nko mantanyi.

TUMWÖY 32:10

Nyoru mwokïyis nyörilwok cho chang, wölo witöy chomnyo kokay nyinte nyo twoytoy kegh ECHOTYON.

NGÖTÏNYÖ 11:23

Wonyechini machata chi pö man köromnyö kïpoto, kuwonyechini kikönöto mwokïyon kirwok.

ESEKEL 18:4

Arose lö chichan söponwö löwïr, söpon nyo pö papo kïnyinan söpon nyo pö weri kïnyinan, wölo meghöy chi anka tïkwïl nyo ighöy ngokï.

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

MATAYO 16:26

Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi.

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

IGHISYEWUT 11:18

Kïkany kïlïm chane ngalechoni, kïsisyö akïsal Tororöt lö, “Nkïchï kikutö Tororöt pipö punton pöroyïn nyo kötegho atökïsöpchö!”

IGHISYEWUT 13:26

“Kïlenyona, werköcho, cho ochï monïngo Apraam nko pichi walaka tïkwïl cho mi kwenunkwa cho konyïtöy Tororöt kakwitwech ngölyontonï pö sörunöt.

IGHISYEWUT 20:21

Kyorirchan pipö Yaudi nko pipö punton löwïr lö okötenö ngokikwo amïlonchö wölo mi Tororöt, aghan Echotyontenyo Yeso.

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 28:17

Kïkany kumpur Paulö osis sömök, kïkur kintöghoghi pipö Yaudi cho kimi wöloni kïpka kokwö. Nyini kituyö pïchay, kïlenchï, “Werköcho! Kïrkegh kimaghanye kïgh nyo kichuniö nko piköcho anta otöptinecho cho kikïnyorchï papotïnecho, Kï kitötanïn pipö Yaudi kïratanïn pipö Rumi ompö Yerusalem.

IGHISYEWUT 28:28

Kuwany nyu Paulö kïlenchï, “Onkïtunö ye nyu lö, kakeyonta ngölyonto Tororöt nyo pö sörunöt kutang pipö punton. Lïmöy chane!”

IGHISYEWUT 3:26

Kïlenyona kïkïl Tororöt akïyonï mötworintenyi Yeso kïnya kungwïnchokwa, atökusoyönokwa, kwighakwa omïlisyeghenö ortïnekwo cho ghach.”

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 2:10

Wölo töni Tororöt chï anka tïkwïl nyo ighöy nyo karam ororyö nko konyït nko kalya akï towuno pipö Yaudi kïrïpöy pipö punton tïkwïl.

RUMI 8:35

Ekï ngo nyu nyo muköy kupesyecha nko chomnyo Kristo? Muköy nyarïl anta kömpölelyö anta kichopata kong anta kikar anta meywontön anta tapan anta meghatï?

RUMI 9:24

Ompöwölo kichicha pich cho kikur nyinte amelö acha cho kikïpkana pipö Yaudi opïn, wölo cho kipkana pipö punton tïkwïl.

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

2 TESALONIKE 1:6

Ighöy Tororöt kïgh nyo tenate: ipchini nyarïl pich cho chopokwa kong,

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?