RUMI 2:8 - PIPÏLIA

⁸ Wölo nyoru sito Tororöt pich cho yongöy kegh opïn, cho melö konyïtöy man wölo chömöy kwighöy cho merokonye.

RUMI 2:8 ပူးပေါင်းရင်းမြစ်များ

2 OTÖPTINO OSIS 6:23

Teranyi ompö yïm aigh, airwokyï mötworiku. Tönö chi sitenyi kïrïp kegh nko lelutyenyi, ipïstö nyinö puryö lelut kïwö nyo karam, kïrïp kegh nko mantanyi.

AYUPU 24:13

“Mi pich cho töghöy löpoyïn, cho menkïtcha ortïnechi, amörïpöcha ortïnechi.

TUMWÖY 90:11

Ekï ngo nyo nkït ngwonïn pö nörekyengu? Ngo nyo köngöy sïngeryengu nya?

NGÖTÏNYÖ 11:23

Wonyechini machata chi pö man köromnyö kïpoto, kuwonyechini kikönöto mwokïyon kirwok.

NGÖTÏNYÖ 13:10

Ipu menotön poryot kwïle, wölo tïng ngöghomnyö chane cho lïmöy ngal.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

YEREMIA 34:18

Oghchinan pïchoni kimökonyïtcha akïrïp ngala muma nyo kyaman nko papotïnekwa, le wölo kida eghay kikarer kwen akuwer kwenu panyechi.

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

NAUM 1:6

Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

RUMI 1:18

Kikengongwï nörekyo Tororöt ompö yïm ompö paraku ngokï nko ghöyityo pich, cho tïpöy man ompö ighisyewutkökwa cho ghach.

RUMI 10:16

Wölo melö chane lapay cho kirïp Lökoy cho Karamach, ompöwölo kimwa Isaya nyinte lö, “Echotyon ngo nyo kighan ngalecha nya?”

RUMI 15:18

Omwoghan ompö nyakanat kïgh anka tïkwïl, nyo kigh Kristo Yeso otini kipöghisyeghenanïn tökumï kïter Tororöt pipö punton. Kigh nyinte lenyoni ompö ngal nko ighisyewut

RUMI 6:17

Wölo sörö ompö Tororöt, ompöwölo kïrkegh kyochikwa sekeyi ngokï osiswechanya pö tagh, wölo ye, ompö kinetut cho kyonyorukwa, kyoterchikwa man lasiny ompö mïkulöwekwo.

RUMI 9:22

Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

1 KORINTO 11:16

Ato yöröy chi kwipu kimölöt ompö ngölyontononi, kïmïchini nyinte kunkïtï lö melö kïtïngetecha apite anka nyo pö saghat, amelö tïng tïkwïl kaniseni Tororöt.

2 KORINTO 12:20

Owöghan lö töptoy ato atwan wöloni otomwan kyasisitukwa atïpï otöp nyo melö komökan, kwighanïn nyu nyoni asisitwan nko wölo komöktokwa. Owöghan lö töptoy otomunan omitekwa nko syala nko nyonyintön nko nörekyö nko nyïtat nko söngeryö nko chïput nko semsem nko kwolöto kegh nko kiwulyot.

KALATIA 5:20

saghata körkeyïntin, ponintön, punyontön, syala, sastaghnan, nörekyö, semsem, kimölöto kegh, arata kegh.

PILIPI 1:17

Omteghoy pïchoni le söstoghï akï syölï Kristo kanyanyighos, melö ompö tïlilyö. Ighöy lenyoni akïlentöy tökïtasa nyarïltanyan otï omitan chela.

PILIPI 2:3

Magh kïgh anka tïkwïl ompö ma nyo gha anta ompö menöt, wölo ompö rïngata kegh oyitö pikö walaka lö pö tösunöt kïtïlokwa.

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

TITO 3:9

Wölo kïrenö kegh kimölöto kegh cho pö sölwontön nko tötut pö pïnwöy nko syölut nko kimölöto kegh pö ompö kirurut. Melö pö kinyiwut ngalechoni nyonikïny.

EPRANIA 10:27

nyo köngötï nyu kï kirwoko Tororöt nyo pö otyogh nko ma nyo ngwan nyo ngwïnöy kuwuröy pich löwïr cho möterchinicha nyinte.

EPRANIA 11:8

Kigh kighanata Apraam kïterchï Tororöt otini kikur kïwö kor nyo kiyomisyï Tororöt lö, töni nyinte. Kïwuwö nyinte korenyi akimenkïtnye wölini kiwetöy kutöngöy.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

YAKOPO 3:14

Wölo ato kinyïghï mïkuliskökwa sastagh, apekwa kegh sikong akïyongöy chi kegh onkït ompö or nyo gha, kïmömïchininye okwolökwa kegh, amïr putintön.

YAKOPO 3:16

Ompöwölo wop tïkwïl wölo mi sastagh nko wölo yongöy kegh pich opïn ompö or nyo gha, kïmi wöloni tïkwïl arata kegh nko ighisyewut lapay cho ghach.

1 PETRO 3:1

Kïlenyoni tïkwïl, mïchinokwa kor oterchinö santokökwa, tötomi walaka cho tomöcha kughan ngölyonto Tororöt, kumuköy ompö otöptönkwa nyoni kumïtu chane kughan kïrkegh möminye ompö ngölyon nyo komwochikwa.

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?

NGONGUT 14:10

kïgheghöy chichoni dipaypa* nörekyo Tororöt, cho matasa chi pögh ekeyin kikompeto nörekyenyi! Kinyörilo chichoni ma, mapa koghïn cho nöghsot ompö tawu malayken cho tïlilöch nko Wawa Kech.

NGONGUT 16:19

Kïkarera kanasyantanay wow kïnyïl sömök akunyorisyö kanastina koros lapay. Melö kiwutyeghö Tororöt metö kanasyantanoni wow pö Papilon sitenyi. Kigh Tororöt Papilon kïgh kikompo dipay* nyo pö nörekyenyi nyo wow.