RUMI 2:27 - PIPÏLIA

²⁷ Rwokyinokwa nyu pipö Yaudi pipö punton, ompöwölo kapenyakwa kirurut, kïrkegh otïngetekwa kirurut cho kirote akikemutekwa, wölo rïpöy chane kirurut kïrkegh melö kikemut.

RUMI 2:27 ပူးပေါင်းရင်းမြစ်များ

MATAYO 3:15

Wölo kuyokyï Yeso lö, “Chamanyi ye lenyoni, ompöwölo mïchinecha kepuntenö man anka tïkwïl lenyoni.” Kïcham nyu Yoana.

IGHISYEWUT 13:22

Kïkany kunategha nyinte, kutö Tororöt chane Daudi kïlïkwï pöytoghintengwa, akïsöwintönchï lö, ‘Kasïwan Daudi wero Yese lö chi nyo koyöran akï chi nyo ighöy machatenyan lapay.’

RUMI 13:10

Melö ighchini chi nyo chömöy pöroryenyi kïgh nyo gha. Kïlenyona nyu kecham, pörör kï kerïp kirurut löwïr.

RUMI 2:15

Poru ompö otöptöngwa lö, kikekirchï mïkuliskökwa tïkwïn cho mwoghöy kirurut. Söwintönchini chane tïkwïl choghïntino mïkuliskökwa lö, lata choni, ompöwölo muköy kurwokï anta tököwï chane ompö kinonutkökwa.

RUMI 2:20

aichinyi tïkwïl kirurinto pich cho menkïtnye kïgh, cho tomönye kïpköchï ngala ompöwölo itïngetenyi ngöghomnyo man lö döng ompö kirurut

RUMI 2:25

Tïngeto mutata kinyiwut ato rïp chi kirurut, wölo ato ipenyenyi kirurut, kitöngwangwa lïkuna somchon.

RUMI 2:26

Kïlenyona, ato töp chi nyo le somchon tökïrïp kirurut, kuyitöy Tororöt nyinte le chi nyo kikemut.

RUMI 2:29

Wölo chi pö Yaudi nyo pö man, kï nyo le chi pö Yaudi ompö orinyi, akikïnyorï mutata man nyo pö mïkulöwunyi ompö owesyo Mïkulöwu Tororöt, amelö ompö kirurut cho kirote. Mönyorunonye chi nyo lata nyoni kikusat ompö wölo mi pich, wölo nyoruno Tororöt.

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

RUMI 8:4

Kigh Tororöt lenyoni atömanyïl kwitïta lasiny möchut pö Kirurut cho pö man ompö orincha, cho kïpestoy mïkulögh amelö ompö asïl pö ptangengmöt.

1 KORINTO 7:19

Ompöwölo mökïghnye ato wö chi tum anta möwö, wölo kerïp Kirurut pö Tororöt.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

KALATIA 5:14

Ompöwölo kiwontegho kirurut löwïr kichiköt akonga nyo lentöy, “Chama pöröryengu le wölo ichömtonyi kegh.”

EPESO 2:11

Kyochikwa ato le tagh, pipö punton cho kïkurenok, “Sompen,” kïkurö kegh pipö Yaudi, “Sorngony” (poru ngalechoni tïkwïn cho kighchini chane porwöyikwa). Anane wölo kyalatekwa ato le tagh.

2 TIMOTEO 3:15

Inkïtönyi tïkwïl lö kïngeta otini kichinyi monïng, kinkïtunyi Kikirut cho Tïlilöch cho muköy kwipunyi ngöghomnyö nyo ipu sörunöt ompö chi nyo ghönöy Kristo Yeso.

EPRANIA 11:3

Pköchinecha ompö kighanat lö kigh Tororöt yïm kwigha ngölyontenyi atö kïlïkwï lö tïkuchï kïsïwïyi kï kikigha tïkwïn cho mökïsïwïyinye.