RUMI 2:2 - PIPÏLIA

² Nkït pich lapay lö, otini rwokyini Tororöt pich cho ighöy tïkwïn cho lata choni, kwighöy man.

RUMI 2:2 ပူးပေါင်းရင်းမြစ်များ

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

AYUPU 34:23

Ompöwölo melö nömchini Tororöt chi osis cho kirwokyinegho ompö tawunyi.

TUMWÖY 145:17

Pö man ECHOTYON ompö ortïnechi, akï talase ompö ighisyewutkachi.

TUMWÖY 9:4

Kengarakanïn kirwokengu nyo pö man, otini ketöpenyi ngacharu kirwok, aimut ngal ompö man.

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

ISAYA 45:19

Melö kyangalanan ompö wïngat, anta awïngan moporwokwa möchutköchan. Melö kyomwochan pipö Israel kïyaranïn ompö wölo le siriron. Omwoghan ante ECHOTYON ngala man, omwoghan kenkïtu kïgh nyo tenate.”

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

YEREMIA 12:1

Iponyi man we ECHOTYON, kïrkegh opunyi ngwïrngwïryenyan. Wölo omochan opunyi teputyenyu. Ayo, ompö ne tökïsïköy mwokïyis kel nyo karam? Ompö ne tökuletöy tagh pkatis löwïr?

ESEKEL 18:25

“Wölo olentekwa, ‘Melö pö man ortïna Echotyon.’ Atera nyu we pipö Israel ononekwa lö melö karamach ortïnechan? Melö so ortïnekwa cho melö karamach?

ESEKEL 18:29

Wölo lentöy pipö Israel, ‘Melö pö man ortïna Echotyon.’ Melö so ortïnekwa we pipö Israel cho melö pö man?”

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

SEPANIA 3:5

Wölo pö man ECHOTYON nyo mi kanasyan ori, amelö ighöy kïgh nyo gha. Ighöy man kïtenö osis tïkwïl otini kayekanan, puryö tökwoghö nyo wutyegho kwigh man. Wölo letöy tagh mwokïyis kwighöy ngokï amelö lïmchini kegh arasï.

IGHISYEWUT 17:31

Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”

RUMI 2:1

Ato irwokyinenyi pikö walaka, möminye wölo ichïwïtonyi nyinte tïkwïl, kïrkegh kechï ngo. Ompöwölo otini irwokyinenyi pikö walaka aimitenyi ighöy tïkwïl tïkuchoni ighöy chane, imitenyi irötöy kegh nyinte.

RUMI 2:3

Wölo, inonenyi so, otini irwokyinenyi pich cho ighöy tïkuchoni lö ichïwötonenyi kirwoko Tororöt akwanyï ighenyi nyinte tïkwïl tïkuchoni?

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

RUMI 9:14

Kïmwoghecha ne nyu nya? Meghönye Tororöt manï? Ewo!

NGONGUT 16:5

Alïman malaykayan nyo kighyongchini ngala pögh kïlenchini Tororöt, “Pö man kirwokutköku, nyi Nyo Tïlil nyo imi akimitenyi. Ompöwölo kerwokönyi ompö man.

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”