RUMI 2:13 - PIPÏLIA

¹³ Ompöwölo melö pich cho tïng kirurut cho yitote lö pö man ompö tawu Tororöt, wölo chane cho rïpöy kirurut.

RUMI 2:13 ပူးပေါင်းရင်းမြစ်များ

TUMWÖY 143:2

Merwokyï mötworintengu, ompöwölo möminye chi nyo pö man ompö tawungu.

YEREMIA 11:6

Atolapay kïlenchanïn ECHOTYON, “Wïyö amtena ngalechï löwïr ompö kanastina Yuda nko ortïna kanasyanta Yerusalem. Mwochinö chane kïter ngaleko mumanoni akwigh lenyini.

ESEKEL 20:11

kyotönön chane kiyomisutköchan nko kirurutköchan, cho ato ripchi lasiny kïsöpöy.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

LUKA 8:21

Wölo kïlenchï Yeso pïchay, “Yonyan nko werköcha kï chane teröy ngölyonto Tororöt akïrïp.”

YOANA 13:17

Kwato konkïtukwa ngalechoni, ochikwa soyönote ato arïpakwa!

IGHISYEWUT 13:39

ankïtï nyu lö anka tïkwïl nyo ghönöy nyinte, ketyoko ngokichi löwïr cho kimemuchönye kutyoköy Kirurut pö Musa.

RUMI 10:5

Kikir Musa akuporï or nyo kiyityinegho pich Tororöt man ato rïp kirurut lö, “Söpöy chi anka tïkwïl nyo rïpöy akwigh lenyini mwoghöy kirurut.”

RUMI 2:25

Tïngeto mutata kinyiwut ato rïp chi kirurut, wölo ato ipenyenyi kirurut, kitöngwangwa lïkuna somchon.

RUMI 3:20

Ompöwölo möminye chi nyo kiyityini man ompö tawu Tororöt, ompöwölo karïp nyinte kirurut. Kïgh nyo ighöy kirurut kï kuporchï chi lö, kegh ngokï.

RUMI 3:23

ompöwölo kikwigh pich löwïr ngokï akïrörchï ororyo Tororöt.

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

1 KORINTO 4:4

Molïmchinanye kegh choghïn nyonikïny ompö söpontönyan, wölo meporunye nyoni lö motïngetanye lelut. Echotyon onkït nyo rwokyinanïn.

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 5:4

Ato omökekwa keyitwokwa man ompö ara kirurut, kï kopesyekwa nko Kristo amitekwa sanypa pöropcho Tororöt.

KINONO KIRURUT 4:1

“Atolapay kïlenchï Musa pipö Israel, atera kirurut löwïr cho onetokwa arïp tösöpchenö atape amanga kor nyo konokwa ECHOTYON Tororöt pö kukötinekwa.

KINONO KIRURUT 5:1

Kïkur Musa pipö Israel löwïr akïlenchï, “Akwa pipö Israel, atera lasiny kirurutchï löwïr omwowokwa asete. Aneta kegh lasiny arïp.

KINONO KIRURUT 6:3

Ater ye nyu ngalechï, pïchï pö Israel arip. Atökuten osiswekwo atotösisyenö awesöchitu lenyini kiyomisokwa ECHOTYON Tororöt pö papotïnekwa lö lïku nyoni ompö kor nyo chang chö akïwow kumata.

YAKOPO 1:27

Kïröto ngala Tororöt nyo karam akï nyo kïltït kï kengarak pönon nko mïsïktin ompö kömpölelyengwa nko kïrip chi kegh mesïmnyon ngala ngwïnyinï.

1 YOANA 2:29

Kïle wölini onkïtökwa lö pö man Kristo, kïmïchini tïkwïl onkïtunökwa lö anka tïkwïl nyo ighöy man, kï mompö Tororöt.

1 YOANA 3:7

Makany kïlïsak chi monechu! Chi anka tïkwïl nyo ighöy tïpö man, kï pö man, le wölo pö man Kristo tïkwïl.