RUMI 16:26 - PIPÏLIA

²⁶ wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

RUMI 16:26 ပူးပေါင်းရင်းမြစ်များ

TOWUNÖT 21:33

Kïkatkat Apraam ket pö oron ompö wölini le Persyepa akïsagha atoni kaynata ECHOTYON, nyo le Tororöt pö Kokay.

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

IGHISYEWUT 10:43

Kïngalana werkoy tïkwïl nyinte, kïmwa lö chi kïtïkon nyo ghönöy nyinte, kelöstoghchini ngokichi ompö kaynenyi.”

IGHISYEWUT 6:7

Kïlenyona kulet tagh ngölyonto Tororöt kïyasta akïtösisyö nyoman ompö Yerusalem kiyitöto kighönï, kughan tuyot nyo wow nyo pö tïsï tïkwïl kighanatanoni.

RUMI 1:2

Kiyomisï nyinte könyisyok kuwerï werkoykachi, kïle ato kirate ompö Kikirut cho Tïlilöch.

RUMI 1:20

Kïngeta towunöto ngwïny, kipköchï pich lötok owesyo Tororöt nyo pö kokay nko Tororötnötenyi kïrkegh nyo mösïwïyinye chi ompö kong, wölo kirumu ompö tïkwïn cho kigh nyinte. Kïlenyona mötïngnye pïchoni kïgh nyo gheto kegh kigheghchin.

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

RUMI 15:18

Omwoghan ompö nyakanat kïgh anka tïkwïl, nyo kigh Kristo Yeso otini kipöghisyeghenanïn tökumï kïter Tororöt pipö punton. Kigh nyinte lenyoni ompö ngal nko ighisyewut

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 3:21

Wölo kakengongwï ye or nyo yityinegho pich Tororöt man akï nyo mönömönye kegh nko rïpata kirurut. Söwintönchini Kirurut pö Musa nko werkoy aranoni.

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

EPESO 1:9

Akwighecha kenkïtunö ngal cho kimenkïtnye pich ato le tagh wölo kïcham nyinte kïngongwecha ompö machatenyi kïrïp kegh nko wölo kinontoy nyinte lö oghöy kuwerï Kristo.

EPESO 2:20

Kiketekyokwa paraku kitoröto kiyoktoghï nko werkoy akï nyinte Yeso Kristo nyo le kado luch.

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

KOLOSAY 1:26

akï nyo kiwïnga nyinte pïnwöy löwïr kïngeta otini le könyisyok, wölo köngongchï ye nyu pikachi.

1 TIMOTEO 1:17

Nya kïpöyit konyït nko ororyo, pöytoghinto kokay, nyo mömeghöy, amökïsïwïyi ompö kong, Tororöt nyo le nyinte onkït amömi anka, kokay nko kokay! Amen.*

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

2 TIMOTEO 1:10

wölo kikengongwecha ye pöropchononi ompö kingwïnata Ghetintenyo Kristo Yeso. Nyinte nyo kewany owesyo meghat akïngongwï söpon pö kokay kuwerï Lökoy cho Karamach.

EPRANIA 13:8

Karkegh Yeso Kristo* omötu nko ye nko kokay.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

NGONGUT 19:10

Opïtyan kelyechi tasagh nyinte, wölo kïlenchanïn, “Ewo, mesoghanïn! Ochan mötworin nyo karkegh nko nyi nyo pöghisyechini Tororöt nko tupcheniku cho kikesöwintönchï tïkwïl man nyo kingongwech Yeso. Sagha Tororöt!” Ompöwölo kïgh nyo töni werkoy owesyö kwamta ngölyonto Tororöt kï man nyo kingongwï Yeso.