RUMI 15:5 - PIPÏLIA

⁵ Nya kungarakekwa Tororöt nyo ighekwa amïkukönö akïkonok kikilöto kegh atamuka osïkö keröt akonga nyo orïpöy körkeyïn pö Yeso Kristo,

RUMI 15:5 ပူးပေါင်းရင်းမြစ်များ

2 OTÖPTINO OSIS 30:12

Kwigh Tororöt pipö Yuda kïcham löwïr ngölyonto pöytoghin nko yetïntinechi kïrïp kegh nko ngölyonto ECHOTYON.

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

WUWÖT 34:6

Kuwer ECHOTYON tawunyi akïmwa lö, “Ochan ECHOTYON, Tororöt nyo pö kisyonchin nko pöropchö, melö kwïskwïs kïnarek, tïng chomnyogh nyo wow nko nyo ghanate.

YEREMIA 32:39

Oghan chane kïsïch keröt akonga ompö möngengwa: Kïkonyïtanïn. Pöyitu nyu kerötononi kinyiwut nyo wow ompö chane nko monekwa.

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

IGHISYEWUT 4:32

Kitïng nyoryononi pö kighönï machat akonga nko kinonut akonga. Akimöminye chi nyo le ompö akonga nyo kimwa lö nyenyi kïgh nyo kitïng, wölo kighamta tïkukwa chane lapay.

RUMI 12:16

Ayanga pich lapay ompö or nyo körökegh. Mop kegh yïm, wölo achama agha ighisyewut cho sösöy pich. Moyit kegh lö kïchï ngöghomöch.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 15:3

Ompöwölo kimayangnye kegh Kristo,* wölo le ato mwoghöy Kikirut, “Ketöngwanïn ye kimwagh anka tïkwïl nyo kikimwagheninyi.”

1 KORINTO 1:10

Osomokwa werköcho, ompö kaynata Echotyontenyo Yeso Kristo lö, oterchinö kegh akwane ompö kïgh anka tïkwïl nyo omwoghöy atömörumunö pesyogh kwenunkwa. Osïkö kinonut akonga nko keröt akonga.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

2 KORINTO 7:6

Wölo kikonecha Tororöt kingaraka nyo soghsoghöy pich cho nyörkölöl ompö kingwïnata Tito.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

PILIPI 2:2

oghekwa ngörekyenyan kwitïta ato alïkukwa pich cho otïng kinanat akonga atïngetö chomnyogh akonga, kinonsyö akonga nko machat akonga.

PILIPI 3:16

Wölo keleta tagh kenama lasiny kini kikenyorï le ye.

PILIPI 4:2

Osoman Euodia nko Suntuke lö, “Kaykay omukyinö olïmchinenö le cho otupchö ompö Echotyon.”

1 PETRO 3:20

Ki mïkulis pö pich choni, cho kipeny ngala Tororöt otini kimi Tororöt kïkönyisïyi ompö mïkukönöt osiswechanya kimi Noa kïteköy melinyi. Ngörï kikïsörï pich pögh cho meket pögh melinoni: ki pich mut nko sömök kïpoto.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

2 PETRO 3:15

Oyitö lö mïkukönöto Echotyontenyo ompö acha, akï pöroyïn nyo kökonecha tökenyorunö sörunöt le wölanye kikirwakwa werïnyo Paulö ompö ngöghomnyö nyo kitö Tororöt.

2 PETRO 3:9

Melö nyïrtighöy kegh Echotyon ntömökwigh kïgh nyo kikakuyomisï lö oghöy, le wölo nontoy pikö walaka. Wölo mi nyinte kïmïkukönöy nko akwa, ompöwölo mömökönye kenyar chi anka tïkwïl, wölo mököy kïwöghökisyö pich akïkötö ngokikwa.