RUMI 15:13 - PIPÏLIA

¹³ Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 15:13 ပူးပေါင်းရင်းမြစ်များ

ISAYA 55:12

“Ongetokwa koro Papilon ompö ngörekyö, kimïtunenokwa opkonone kanasyan ompö kalya. Teghsot kutïngkotï nko komos akïtum ompö ngörekyö.

YEREMIA 14:8

Nyi nyo ichï kikönöto Israel! Nyi okït nyo isörwecha ompö osiswo nyarïl. Ompö ne nya we ECHOTYON telïkuna ton ompö korencha? Kekaranyi kegh nko rutoghin nyo pöghönöy oghö akonga kwïle.

YOEL 3:16

Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

YOANA 14:1

Kïlenchï Yeso chane, “Makany kusus kegh mïkuliskökwo, aghanakwa Tororöt, aghananïn tïkwïl.

YOANA 14:27

“Kopïswokwa kalya, okonokwa kalyenyu. Mokonunanye le wölo konu ngwïnya. Makany kusus kegh mïkuliskökwo, amonyökoröchitu.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

RUMI 15:5

Nya kungarakekwa Tororöt nyo ighekwa amïkukönö akïkonok kikilöto kegh atamuka osïkö keröt akonga nyo orïpöy körkeyïn pö Yeso Kristo,

1 KORINTO 2:4

Amelö kipö ngalechan nko amtaghtanyan chïreryo ngal cho pö ngöghomnyo pich, wölo kikikïniniö akeporï ompö owesyo Mïkulöwu Tororöt.

2 KORINTO 9:8

Akumuköy Tororöt kïkonokwa tïkwïn cho chang kïtïl cho komökekwa atamuka otïngetenö kïnomnyö kïgh anka tïkwïl, atatasa tagh angaraka ighisyö anka tïkwïl nyo karam.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

EPESO 1:2

Nya kïkonok Paponyo Tororöt nko Echotyon Yeso Kristo pöropchö nko kalya.

1 TESALONIKE 1:5

Ompöwölo atanye kikïpkanacha kyomwokwa Lökoy cho Karamach, amelö kikyomucha ngal opïn pat, wölo kikyomucha tïkwïl ompö owesyo Mïkulögh nyo Tïlil, akenkïtöcha lö onkïtökwa manto lökoyechoni. Onkïtökwa otöptöncha atanye kikïmitecha nko akwa lö ki ompö tösunötenkwa.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

1 SAMWEL 1:18

Kïlö Ana, “Nya aghan kïgh nyo ichömenyi kïtenö osis.” Atolapay kïwö kokonay akwomisyö amelö kitökuwongwï ngat.