RUMI 14:6 - PIPÏLIA

⁶ Nyo kepïlilöy asis akonga, kwighöy lenyoni ompö konyït pö Echotyon. Kïkany chi nyo omöy kïgh anka tïkwïl, kwighöy lenyoni ompö konyït pö Echotyon, ompöwölo yokyini nyinte sörö Tororöt ompö omisye. Kïlenyoni tïkwïl ompö chi nyo mulöy kegh omisyewut walaka, ighöy lenyoni ompö konyït pö Echotyon akuyokyini nyinte tïkwïl sörö Tororöt.

RUMI 14:6 ပူးပေါင်းရင်းမြစ်များ

WUWÖT 12:14

Lïku asisï asispa kinanat ompö akwa arip le ichon nyo pö ECHOTYON, ompö pïnwöyikwa löwïr. Oripekwa le kirurut nyo pö kokay.”

WUWÖT 12:42

Ki oghö nyo kinono ECHOTYON, ompöwölo kimïtuna pipö Israel koro Misri. Kïlenyona nyï kï oghö nyo pö ECHOTYON nyo nonöy pipö Israel ompö pïnwöyikwa löwïr.

WUWÖT 16:25

Kïlö Musa, “Ama asete, ompöwölo asete kï asispa Sapato nyo pö ECHOTYON. Melö onyorchinekwa omisyö asete sany.

ISAYA 58:5

Kowongukwa otini okïrurekwa, akud mötöw le suswon, akarkar sarankwachtin, atö aryon kumelmel nyinte. Kïgh nyo lata nyoni so nyo okurokwa kïrurata saghat? Olentekwa ongörökan ompö kïgh nyo lenyoni?

SAKARIA 14:21

Kitïlilchini ECHOTYON Kimuktoghin tören löwïr ompö kanasyanta Yerusalem nko koro Yuda atokumï pich kughogha panya amörostino ECHOTYON. Ato itïta osiswechoni, melö tökïmi mïnchïrïsyonta kokay nyo ngotu ompö Kö pö Tororöt Kimuktoghin.

MATAYO 14:19

Kimwochï pich kumpur ngwïny, atolapay kïcheng makatinechay le mut nko kaghaghe kwodeny akuros yïm akusoyön Tororöt. Kïmïnchïran makatinechay akutö kinetankachi kutö pich.

MATAYO 15:36

Atolapay kïcheng makatinechay le mut nko odeny nko kaghaghe akusoyön Tororöt kïmïnchïran akutö kinetankachi, kïcheng kinetankachi akutö pïchay.

YOANA 6:28

Kïtep nyu chane nyinte lö, “Kighecha ne tökemuka kegha ighisyewut pö Tororöt nya?”

KALATIA 4:10

Tomitenökwa oripe osis nko aro nko otöptino pöghetus nko könyis!